Қазгидромет: Жауын-шашын тоқтап, күн ысиды
Фото: ОКҚ
Фото: ОКҚ
18.04.2024 11:37
541
Республика аумағының көп бөлігі кең антициклонның ықпалында болады және жауын-шашынның тоқтауы, күндізгі ауа температурасының жоғарылауы күтіледі, деп хабарлайды El.kz ақпарат агенттігі.
Тек қиыр солтүстікте, шығыс аймақтарда және оңтүстік-шығыстың тауларында атмосфералық фронтальды бөлімдердің әсерінен ауа райының тұрақсыз сипаты күтіледі, жауын-шашын (жаңбыр, қар) болжанады. Қазақстан бойынша түнгі және таңертеңгі сағаттарда тұман болжанады, күндізгі уақытта найзағай күтіледі. Республика бойынша жел күшейеді.
Термометрлердің бағандары түнде температураның ауытқуын көрсетеді, ал күндіз батыста, оңтүстікте температура 30 градусқа дейін, еліміздің солтүстігінде 25 градусқа дейін, оңтүстік-шығыста 23-29 градусқа дейін көтеріледі деп күтіледі, - деді «Қазгидромет» РМК баспасөз хатшысы Алина Исмагулова ОКҚ алаңында өткен брифингте.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Қазақстанда су тасқынынан 7 адам қаза тапты - ІІМ