Қазгидромет 22 желтоқсандағы ауа райына болжам жасады
11 өңірде күннің суытуына байланысты ескерту жарияланды
22 желтоқсанда бірнеше өңірде ауа райына байланысты ескерту жарияланды, деп хабарлайды El.kz Қазгидрометке сілтеме жасап.
Жетісу облысының оңтүстігінде, орталығында және таулы аймақтарында тұман күтіледі. Батыстан жел соғады, күші облыстың солтүстік-шығысында 15-20, екпіні 25 м/с.
Атырау облысының батысында, солтүстігінде тұман түседі.
Алматы облысының оңтүстігінде, орталығында және таулы аудандарында тұман, көктайғақ күтіледі. Солтүстік-батыстан жел соғады түнде облыстың солтүстігінде екпіні 15-20 м/с.
Алматы қаласында тұман, көктайғақ болады.
Батыс Қазақстан облысының солтүстігінде, батысында, оңтүстігінде тұман түседі.
Қарағанды облысының солтүстігініде, шығысында жаяу бұрқасын күтіледі. Оңтүстік-батыстан, батыстан жел соғады, түнде облыстың солтүстігінде, шығысында екпіні 15-20 м/с күтіледі.
Ақтөбе облысының солтүстігінде, шығысында, орталығында тұман болжанады.
Павлодар облысының оңтүстігінде, шығысында жаяу бұрқасын күтіледі. Өңірдің батыс, оңтүстік, шығысында жел 25 м/с жылдамдықпен соғады.
Шығыс Қазақстан облысының таулы аудандарында қатты қар күтіледі. Облыстың солтүстігінде, шығысында, түнде облыстың таулы аудандарында жаяу бұрқасын күтіледі. Жел оңтүстік-батыстан соғады, облыстың батысында, солтүстігінде 15-20, түнде екпіні 25 м/с.
Абай облысының батысында, оңтүстігінде жаяу бұрқасын күтіледі. Жел оңтүстік-батыстан соғады, түнде облыстың басым бөлігінде жел соғып, екпіні 25 м/с жетеді.
Түркістан облысының солтүстігінде, таулы және тау бөктерлі аудандарында тұман, көктайғақ, бұрқасын күтіледі. Батыстан жел соғады, желдің күші облыстың солтүстігінде, таулы аудандарында 15-20м/с жетуі ықтимал.
Қысқа да нұсқа. Жазылыңыз telegram - ға