Қазақтың «Ломаченкосы» алғашқы кездесуінде кіммен шығатыны анықталды
Фото: ҚР ҰОК
Фото: ҚР ҰОК
04.05.2023 04:18
1072
Бокстан Ташкентте өтіп жатқан әлем чемпионатында қазақтың «Ломаченкосы» аталып кеткен Махмұд Сабырханның алғашқы қарсыласы анықталды, деп хабарлайды El.kz ақпарат агенттігі.
Ол 54 келіге дейін салмақта 1/16 финалда венгриялық Иштван Сакамен кездеседі. Мажар боксшысы алғашқы кездесуінде түрікмен Довлет Мухановты жеңді.
Айта кетейік, Махмұд – 2021 жылғы әлем чемпионатының күміс жүлдегері. Былтыр 22 жасқа дейін боксшылар арасында Азия біріншілігінде жеңімпаз атанған.
Еске салып өтейік, әлем чемпионаты 1-14 мамыр аралығында өтеді.
Ұйымдастырушылар біріншілікке 104 елден 600 аса былғары қолғап шебері қатысып жатқанын мәлім етті.
Аталған чемпионатта жеңімпаз атанған спортшыға ІВА 200 мың доллар көлемінде ақшалай сыйақы табыстайды.
Бөлісу:
Қысқа да нұсқа. Жазылыңыз telegram - ға