Қазақстанның 13 облысында дауылды ескерту жарияланды
Астанада және еліміздің 13 облысында дауылды ескерту жарияланды, деп хабарлайды El.kz ақпарат агенттігі Қазгидромет РМК баспасөз қызметіне сілтеме жасай отырып.
Астана қаласында түнде және таңертең бұрқасын, көктайғақ күтіледі. Солтүстік-батыстан соғатын жел оңтүстік-батысқа ауысады, түнде және таңертең екпіні 15-20 м/с, кей уақыттарда 25 м/с.
Шымкент қаласында түнде және таңертең тұман күтіледі.
Жамбыл облысының оңтүстігінде, таулы аудандарында тұман күтіледі. 04-06 желтоқсанда оңтүстік-батыстан соғатын жел оңтүстік-шығыс желіне ауысады, облыстың оңтүстік-батысында, солтүстік-шығысында, таулы аудандарында 15-20 м/с, тәулік бойы екпіні 23-28 м/с күтіледі.
Ақмола облысының солтүстігінде, шығысында, күндіз батысында, солтүстігінде бұрқасын, көктайғақ күтіледі. Түнде және таңертең облыстың батысында, оңтүстігінде тұман күтіледі. Солтүстік-батыстан соғатын жел оңтүстік-батысқа ауысады, түнде 15-20 м/с, облыстың солтүстігінде, шығысында екпіні 23-28 м/с, күндіз облыстың батысында, солтүстігінде екпіні 15-20 м/с күтіледі.
Солтүстік Қазақстан облысының басым бөлігінде қар, оңтүстігінде, батысында жаяу бұрқасын күтіледі. Солтүстік-батыстан соғатын жел оңтүстік-батысқа ауысады, түнде күші 15-20, облыстың оңтүстік-шығысында екпіні 23-28 м/с, күндіз облыстың оңтүстігінде, батысында екпіні 15-20 м/с.
Қостанай облысының батысында, солтүстігінде, шығысында көктайғақ, бұрқасын күтіледі. Облыстың батысында, шығысында, солтүстігінде тұман күтіледі. Оңтүстік-батыстан жел соғады, күндіз облыстың батысында, шығысында екпіні 15-20 м/с күтіледі.
Алматы облысының солтүстігінде, оңтүстігінде, таулы аудандарында кей уақытта тұман күтіледі. Солтүстік-батыстан жел соғады, облыстың шығысында екпіні 15-20 м/с.
Жетісу облысының оңтүстігінде, шығысында, таулы аудандарында қатты жауын-шашын (жаңбыр, қар), тұман күтіледі. Батыстан жел соғады, облыстың шығысында, орталығында, таулы аудандарында екпіні 15-20, кей уақыттарда 23-28 м/с.
Түркістан облысының оңтүстігінде, батысында, таулы және тау бөктерлі аудандарында тұман күтіледі. Оңтүстік-батыстан оңтүстік-шығысқа ауыстын жел соғады, түнде облыстың тау асуларында күші 15-20 м/с.
Қарағанды облысының солтүстігінде, шығысында бұрқасын күтіледі. Облыстың солтүстігінде, шығысында көктайғақ күтіледі. Батыстан, оңтүстік-батыстан жел соғады, түнде облыстың солтүстігінде, шығысында екпіні 15-20, кей уақыттарда 25 м/с күтіледі.
Ұлытау облысының солтүстігінде, шығысында солтүстік-батыстан соғатын жел оңтүстік-шығысқа ауысады, екпіні 15-20 м/с күтіледі.
Ақтөбе облысының солтүстік жартысында, күндіз солүстігінде, шығысында көктайғақ күтіледі. Облыстың солтүстігінде жаяу бұрқасын күтіледі. Желдің бағыты оңтүстік-шығыстан оңтүстік-батысқа ауысады, облыстың батысында, солтүстігінде, шығысында екпіні 15-20 м/с.
Түнде облыстың батысында, солтүстігінде, шығысында күндіз Батыс Қазақстан облысының солтүстігінде, шығысында көктайғақ, бұрқасын күтіледі. Түнде және таңертең облыстың солтүстік-шығысында тұман күтіледі. Жел солтүстік–батыстан соғады, түнде облыстың солтүстік-батысында, күндіз облыстың шығысында екпіні 15-20 м/с.
Атырау облысының оңтүстігінде, батысында, шығысында тұман күтіледі.
Қызылорда облысының солтүстігінде, орталығында тұман күтіледі.
Қысқа да нұсқа. Жазылыңыз telegram - ға