Қазақстандық жас теннисші Латвиядағы турнирде топ жарды
Фото: Қазақстан теннис федерациясы
Фото: Қазақстан теннис федерациясы
09.12.2024 18:03
633
Қазақстандық теннисші Заңғар Нұрланұлы Латвияда өткен турнирде жеңіске жетті, деп хабарлайды El.kz ақпарат агенттігі.
Қазақстан теннис федерациясының мәліметінше, Латвияның Айзкраукле қаласында теннистен жасөспірімдер арасындағы J100 Aizkraukle турнирі аяқталды.
ITF жасөспірімдер рейтингінде 77-орында тұрған Заңғар Нұрланұлы финалда Нидерланд спортшысы Хайде Шонмарксты (ITF Juniors рейтингінде 165-орында) 6:3, 6:2 есебімен сенімді түрде жеңді.
Өткен жылы дәл осы турнирдің финалдық кезеңінде қазақстандық спортшы өнер көрсетіп, жеңіліп қалған еді.
16 жастағы Заңғар үшін бұл 2024 жылы ITF Juniors турниріндегі үшінші, ал мансабындағы бесінші жекелей титулы.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
ТЖМ мереке күндері қауіпсіздік ережелерін сақтауға шақырды
Келесі жаңалық
БАӘ нарығында қазақстандық тауарларға сұраныс арта бастады