Қазақстандық теннисші Тимофей Скатов US Open турниріне жолдама алды
Фото: ҚР ҰОК
Фото: ҚР ҰОК
23.08.2024 10:52
531
Қазақстандық теннисші, әлемнің 190-ракеткасы Тимофей Скатов АҚШ ашық чемпионатының іріктеу сайысын сәтті аяқтады, деп жазады El.kz ақпарат агенттігі.
Қазақстандық теннисші іріктеу сайыстарының финалында әлемнің 104-ракеткасы, ұлыбританиялық Билли Харриспен негізгі доданың жолдамасын сарапқа салды.
Бірінші партияда Харрис 6:4 есебімен басым болған.
Есесіне екіншісінде Скатов азулы қарсыласына еш мүмкіндік берген жоқ – 6:0.
Үшінші, шешуші сетте Тимофей матчты жеңіспен түйіндей білді – 6:3.
Осылайша, Скатов US Open турнирінің негізгі айналымында бақ сынайды.
Бөлісу:
Қысқа да нұсқа. Жазылыңыз telegram - ға