Жаңалықтар

Қазақстандық құтқарушылар мінген ұшақ Түркияның Газиантеп қаласына қонды

Фото: ТЖМ

Фото: ТЖМ 07.02.2023 16:21 1650

Қазақстандық құтқарушылар мінген ұшақ Түркияның Газиантеп қаласына қонды, деп хабарлайды El.kz ақпараттық агенттігі. Бұл туралы ТЖМ мәлімдеді.

Келесі кезең жеке құрамды, техника мен жабдықты түсіру, сондай-ақ жергілікті билік органдарымен өзара іс-қимыл жасау болады. Құтқарушыларға іздестіру-құтқару жұмыстарын жүргізу үшін арнайы учаске бекітіледі деп күтілуде.

Еске сала кетейік, ТЖМ құтқарушыларының иелігінде құтқарушы құрал-жабдықтары: гидравликалық және пневматикалық жабдықтар, гидравликалық домкраттар, пневмодомкраттар, перфораторлар, жарықтандыру құралдары, палаткалар, спутниктік терминал, каркасты модуль, автотехника бар. Осыған дейін Қазақстандық құтқарушылар мен дәрігерлер Түркияға көмекке атанғанын хабарлаған болатынбыз.

Бөлісу: