Қазақстандық оқушы АҚШ-та өткен беделді байқауда жүлдегер атанды
21.05.2023 14:21
Фото:
nis.edu.kz
Бүгін Алматыдағы физика-математика бағытындағы NIS оқушысы Сағын Жұмаділдаев АҚШ-тың Даллас қаласында өткен әлемдегі ең беделді ғылыми жобалар байқауының бірі – International Science and Engineering Fair-дан жүлделі II орынмен оралды, деп хабарлайды Еl.kz ақпарат агенттігі.
Ол "Математика" секциясы бойынша «L-тромино-плиткалары» жобасын ұсынды, сондай-ақ 1000$ көлемінде сыйақы еншіледі.
Бір жыл бұрын олимпиадада L-тромино фигурасының көмегімен плиткаларды жанастыру бойынша тапсырма орындадым. Осы тақырыпқа қызығушылық туындап, оны жоба ретінде жасауды қолға алдым. Әлі дәлелденбеген теоремалар бар, соны шешу арқылы келесі жылы да ISEF-ке қатысу жоспарда тұр, – дейді жас математик.
Сонымен қатар байқауға Көкшетаудағы Зияткерлік мектептің оқушысы Асылхан Қали де қатысып, «Aq Zhol» жобасын таныстырды. Бұл –жүргізушінің халі мен мінез-құлқын бақылауға мүмкіндік беретін бейнетіркегіш және жол-көлік оқиғаларынының санын азайтуға бағытталған.
Қазақстанның туын әлемдік аренда көтеріп, еліміздің атынан өнер көрсету – біз үшін үлкен мәртебе. Болашақта одан да жақсы нәтижеге жетуде бар күш-жігерімізді саламыз, – деп Асылхан өз әсерімен бөлісті.
NIS ұжымы, Зияткерлік мектептер түлектерінің қауымдастығы, ата-аналары мен достары Сағын мен Алиханды елорданың әуежайында қарсы алды.
International Science and Engineering Fair – 13 пен 18 жас аралығындағы жасөспірімдерге арналған STEM жобалардың дүниежүзілік байқауы. Халықаралық шара жыл сайын өтеді және әлемнің 100 елінен келген 2000 оқушының арасынан үздіктерді анықтайды.
Қысқа да нұсқа. Жазылыңыз telegram - ға
Оқи отырыңыз 
27 Қаңтар, 09:09
Құранды білетін қазақ жастарының Қара сөздерді оқымағанын естіп таңғалдым – чехиялық ІТ маманы
11 Қараша 2025, 18:13
«Шедевр»: Игорь Крутой тағы бір қазақстандық өнерпазға арнап ән жазды
6 Қараша 2025, 17:09
Күздің соңғы премьералары: қарашада қандай фильмдерге баруға болады