Қазақстандық екі балуан әлем чемпионатының финалына шықты
Фото: ҚР ҰОК
Фото: ҚР ҰОК
04.09.2024 09:05
468
Күрес түрлерінен 20 жасқа дейінгі спортшылар арасында өтіп жатқан әлем біріншілігінде екі қазақстандық балуан ақтық сынға жолдама алды. Бұл туралы Olympic.kz сайтына сілтеме жасай отырып El.kz ақпарат агенттігі хабарлайды.
Грек-рим күресінен 67 келіге дейінгі салмақта белдескен Юсуп Ашрапов Украина мен Грузия балуандарын жеңіп, жартылай финалда ресейлік Грайр Огенасяннан 7:5 есебімен басым түсті. Юсуфтың финалдағы қарсыласы - ирандық Ахмадреза Мохсен Нежад.
Сондай-ақ 82 келідегі Ислам Евлоев та финалда белдеседі. Жартылай финалда Исламның қарсыласы кілемге шыққан жоқ. Ақтық сында қазақстандық балуан Түркия өкілі Альперен Бербермен белдеседі.
Ал 60 келіде күресетін Оңдасын Хамитов қола медальға таласады.
Бөлісу:
Қысқа да нұсқа. Жазылыңыз telegram - ға