Қазақстандық боксшы Әли Балоев WBO Global титулын жеңіп алды
Фото: instagram.com/ali_boxing_kz
Фото: instagram.com/ali_boxing_kz
11.09.2023 02:05
1223
Қазақстанның кәсіпқой боксшысы Әли Балоев (12-1-1, 8 КО) Қытайдың Ухань қаласында өткен кеште өнер көрсетті, деп хабарлайды El.kz ақпарат агенттігі.
Кештің басты жекпе-жегінде Әли Балоев 43 жастағы француз Сирил Макиадимен (15-3-2, 6 КО) кездесті. Олар WBO Global-дың ауыр салмақтағы (90,7 келіге дейін) белдігі үшін таласты.
Айқас межеленген 10 раундтың соңына дейін жалғасты және төрешілердің бірауызды шешімімен Балоевтың пайдасына аяқталды, есеп — 99:91, 100:90, 100:90.
Осылайша, 30 жастағы қазақстандық спортшы кәсіпқой бокс мансабында 13-інші жеңісіне қол жеткізіп, ауыр дивизионда WBO Global титулына ие болды. Сирил Макиади төртінші рет рингте жығылып отыр.
Бөлісу:
Қысқа да нұсқа. Жазылыңыз telegram - ға