Қазақстандық алғашқы боксшы әлем чемпионатының финалына шықты

Қазақстандық алғашқы боксшы әлем чемпионатының финалына шықты

11.12.2025 14:29

Фото: ҚР ҰОК

Дубайда өтіп жатқан бокстан әлем чемпионатында Қазақстан құрамасының үміткерлерінің бірі Сабыржан Аққалықов финалға жолдама алды.

75 келі салмақта бақ сынайтын отандасымыз жартылай финалда өзбекстандық Фазлиддин Эркинбоевпен кездесуі керек еді. Алайда қарсыласы жекпе-жекке шығудан бас тартқандықтан, Сабыржан келесі кезеңге тікелей өтті.

Аққалықов ширек финалда Израиль боксшысы Мирослав Капулер-Ищенкомен қолғап түйістіріп, екінші раундта техникалық нокаут арқылы жеңісті жұлып алған болатын.

Айта кетейік, Сабыржан Аққалықов — World Boxing кубогының жеңімпазы әрі әлемдегі беделді турнирлердің бірі саналатын «Странджа» жарысының чемпионы.

Сонымен қатар бүгін финал жолдамасы үшін Қазақстан құрамасының тағы бес өкілі шаршы алаңға шықпақ.

әлем чемпионаты бокс

Қысқа да нұсқа. Жазылыңыз telegram - ға

Қазақстандық алғашқы боксшы әлем чемпионатының финалына шықты

Оқи отырыңыз

Бір отбасынан шығып, 2026 жылғы Олимпиадада чемпион атанған спортшылар

Ақ Олимпиада: Қазақстанның шынайы мүмкіндігі қандай?

11,8 млрд теңге, «Арсенал» қақпасына салынған тарихи голдар: «Қайрат» Чемпиондар лигасындағы жорығын аяқтады