Қазақстанда табысы ең төмен өңірлер анықталды
Еліміздің оңтүстігіндегі бес облыс тұрғындарының табысы ең төмен, деп хабарлайды El.kz ақпарат агенттігі.
Finprom.kz мәліметінше, 2023 жылғы үшінші тоқсанда қазақстандықтардың табысы 298,2 мың теңгені құрады, бұл жан басына шаққанда 2022 жылғы сәйкес кезеңмен салыстырғанда 21,5% артық.
2023 жылғы екінші тоқсанмен салыстырғанда тұрғындардың табысы 5,1% өскен.
Салыстыру үшін: бір жыл бұрын тұрғындардың табысы жылына 16,5%, тоқсанына 3,1% құраған.
Сонымен бірге 2023 жылдың үшінші тоқсанындағы инфляция деңгейі жылдық мәнде 12,9% және алдыңғы тоқсанмен салыстырғанда 1,7% құрады.
Ел бойынша орташадан жоғары кірістер Қазақстанның 20 өңірінің 9-ында тіркелді. Ең жоғары көрсеткіш Астанада: жан басына шаққанда орташа есеппен 430,3 мың теңге — бір жыл бұрынғыға қарағанда 27% артық.
Екінші орынды Алматы иеленді, онда халықтың табысы бір жылда бірден 34,1% өсіп, 392,1 мың теңгені құрады. Қарағанды облысы алғашқы үштікті қорытындылады: бір адамға 379,7 мың теңге, бір жылдағы өсім – 14,2%. Үздік бестікке Шығыс Қазақстан (361,4 мың теңге) және Ұлытау (353,3 мың теңге) облыстары кірді.
Халықтың ең аз табысы Түркістан облысында атап өтілді: жан басына шаққанда 212,5 мың теңге, алайда 2022 жылдың үшінші тоқсанына қарағанда 35,8% артық. Одан кейін Жамбыл облысы (213,7 мың тг), Шымкент (221,8 мың тг), Қызылорда (226,3 мың тг) және Жетісу (227,9 мың тг) облыстары тұр.
Қысқа да нұсқа. Жазылыңыз telegram - ға