Қазақстанда қымыз өндірісі артып, шұбат өндірісі кеміді

Ұлттық статистика бюросы Наурыз мерекесі қарсаңында ұлттық сусындар өндірісінің көрсеткіші туралы деректерді жариялады, деп хабарлайды El.kz ақпарат агенттігі.

Былтырғы жылдың 12 айында қымыз өндірісі 10,6% өсіп, 2 463 тоннаға жетті. Бұл 2022 жылмен салыстырғанда 236 тоннаға артық.

Алайда шұбат өндірісі 2% төмендеп, 3003 тоннаны құрады, бұл алдыңғы жылмен салыстырғанда 61 тоннаға аз.

Айта кетейік, Ұлттық статистика бюросы 2023 жылдың ІV тоқсанында жан басына шаққандағы азық-түлік тұтыну көлемі жөніндегі деректерді жариялады. Үй шаруашылықтарының тұтыну шығыстарындағы азық-түлік сатып алуға жұмсалатын шығындарының көлемі қатты өзгермеген, ондағы шығынның ең көп үлесі ет және ет өнімдеріне (17.4%), нан мен жарма өнімдеріне (8%), сондай-ақ, сүт өнімдеріне (5,4%) тиесілі.

Қысқа да нұсқа. Жазылыңыз telegram - ға