Қазақстанда электр қуатын есептегіш құралдардың өндірісі өсті
2024 жылдың алғашқы алты айында Қазақстанда электр энергиясын есептегіштер (калибрленгендерді қоса алғанда) өндірісінің айтарлықтай өсуі байқалды. Бұл туралы Ұлттық статистика бюросына сілтеме жасай отырып El.kz ақпарат агенттігі хабарлайды.
Бюро мәліметінше, былтырғы жылдың сәйкес кезеңімен салыстырғанда өндіріс көлемі 21% өсіп, 198,5 мың дана есептегіш құрал жасалды
Сонымен қатар электр есептегіштерінің импорты 27% өсті. Ағымдағы жылдың алғашқы алты айында 111,3 мың дана өнім импортталды, ал былтырғы сәйкес кезеңде импорт көлемі 87,6 мың дана болды. Шетелден келетін өнімнің нарықтағы үлесі 35,9% құрайды.
Биылғы қаңтар-маусым айларында 375 дана есептегіш экспортталды. Қазақстанның ішкі нарығында 2024 жылдың алғашқы жарты жылында 309,4 мың дана электр қуатын есептегіш құрал сатылды.
2024 жылдың бірінші жартыжылдығында электр энергиясы, сондай-ақ газ және сұйықтық есептегіштері Беларус, Қырғызстан, Ресей, Өзбекстан, Германия, БАӘ, Қытай, Грузия, Моңғолия және Түркияға экспортталды. Экспортталған өнімнің жалпы құны 879,4 мың АҚШ долларын құрады.
Қысқа да нұсқа. Жазылыңыз telegram - ға