Қазақстанда экологиялық мәдениетті дамыту бағыттары айқындалды
Экология және табиғи ресурстар министрлігін мемлекеттік органдармен бірлесіп, «Таза Қазақстан» экологиялық мәдениетін дамытудың 2024-2029 жылдарға арналған тұжырымдамасын әзірледі. Экология және табиғи ресурстар вице-министрі Жомарт Әлиев тұжырымдаманың «Ашық НҚА» порталында жарияланатынын мәлім етті, деп хабарлайды El.kz ақпарат агенттігі.
Вице-министрдің айтуынша, құжатты Үкімет биыл 15 қазанда мақұлдады. Экологиялық мәдениет пен жауапкершіліктің жоғары деңгейін қалыптастыру, экологиялық білім мен практиканы дамыту, сондай-ақ экологиялық саясатты тиімді іске асыру тұжырымдаманың негізі болмақ. Бұл кешенді шешімдер мен халықтың барлық тобының белсенді қатысуын талап етеді. Тұжырымдаманың негізгі принциптері - азаматтардың саналылығы мен жауапкершілігі, экологиялық ақпараттың қол жетімділігі және болашақ ұрпақтың мүдделерін ескеру.
Тұжырымдама ағымдағы жағдайды және халықаралық тәжірибені талдаудан бастап оны жүзеге асыру жөніндегі іс-қимыл жоспарына дейінгі 7 бөлімді қамтиды. Бұл тұжырымдаманың негізгі бағыттары мен тәсілдерін құрылымдық тұрғыдан анықтауға мүмкіндік берді, - деп атап өтті спикер.
Қазақстанда экологиялық мәдениетті дамыту 2024-2029 жылдар кезеңінде мынадай негізгі бағыттар бойынша іске асырылады:
- экологиялық ойлау және мінез-құлық, соның ішінде ынталандыру және оларды көтермелеу шаралары;
- экологиялық білім;
- экологиялық білім және ақпараттық насихат.
Әрбір бағыт бойынша тұжырымдаманы іске асыру бойынша қабылданатын шаралардың тиімділігін мониторингілеуге және қажет болған жағдайда оларды түзетуге мүмкіндік беретін тиісті индикаторлар айқындалды.
Қысқа да нұсқа. Жазылыңыз telegram - ға