2021 жылдан бастап Қазақстанда таңбаланған аяқ киім тауарларын таңбалау және қадағалау жүйесінде тіркелген көлемі 6 еседен астам өсті, деп хабарлайды El.kz ақпараттық агенттігі.
Егер 2021 жылы таңбаланған аяқ киім көлемі 6 768 млн бірлікті құраса, ағымдағы жылдың қазан айында жүйеде 38 770 миллионнан астам аяқ киім коды тіркелген, бұл қадағалау жүйесімен жұмыс істеудегі бизнестің жоғары белсенділігін және жүйенің негізгі функциясын – көлеңкелі экономикамен күресті көрсетеді.
Сондай-ақ, тіркелген тауар айналымына қатысушылардың (ТАҚ) 1,5 есе өскенін атап өткен жөн: егер 2023 жылғы 1 қаңтарда ТТҚ АЖ-да 2 013 ТАҚ тіркелген болса, 2023 жылғы 5 қазанда ТТҚ АЖ-да 3 162 ТАҚ тіркелген.
Таңбаланған аяқ киім көлемінің бұл өсуі жүргізілген аяқ киім бұйымдарының айналымы өкілдерін хабардар ету жөніндегі жұмыстардың нәтижесі болып табылады.
Бүгінгі таңда Бірыңғай оператор бөлшек және көтерме сатушылармен және аяқ киім тауарларын өндірушілермен, уәкілетті экономикалық операторлармен және кедендік брокерлермен түсіндіру жұмыстарын жүргізді.
Осы жылдың шілде айында уәкілетті экономикалық операторлар мен аяқ киім тауарларының ірі импорттаушылары үшін аяқ киім тауарларын қадағалау бойынша түсіндіру жұмыстарын жүргізді, оған тапсырыс берілген таңбалау кодтарының саны бойынша көшбасшы болып табылатын аяқ киім тауарларын импорттау саласында жұмыс істейтін 6 компания қатысты. Кездесулер барысында кеден қоймалары, сондай-ақ жүйенің жұмысын жақсарту жөніндегі ұсыныстарды талқылау және ерекшелігін түсіну үшін осы уәкілетті экономикалық операторлар пайдаланатын уақытша сақтау қоймалары араланды. Кездесулер барысында алынған барлық ұсыныстар мен түсініктемелер мемлекеттік органдармен бірлесіп қаралып, жұмысқа алынды.
Сондай-ақ, аяқ киім тауарларын ЕАЭО елдеріне әкелуді және әкетуді оңайлату бойынша жұмыстар жүргізілуде. Мысалы, қазақстандық импорттаушылар мен экспорттаушылар үшін биылғы жылы ЕАЭО кодтарын өзара танудың арқасында Беларусь Республикасы мен Ресей Федерациясына аяқ киім бұйымдарын әкелу мен әкету жеңілдетілді.
Қыркүйек айында Бірыңғай оператор SHOESSTAR-Азия аяқ киімі мен былғары галантереясының 16-шы халықаралық көрмесіне жүйеде жұмыс істейтін немесе онда жұмыс істей бастаған кәсіпкерлер үшін таңбалау және қадағалау жүйесінің жұмысын түсіндіру мақсатында қатысты. Көрме аясында «Қазақстан Республикасында аяқ киімді таңбалау» тақырыбында барлық ниет білдірушілер үшін дөңгелек үстел өткізілді, онда аяқ киім тауарларын таңбалау және қадағалау жүйесі таныстырылды, сондай-ақ ақпараттық жүйенің функционалы көрсетілді және қолдануға арналған таңбалау кодтарының мысалдары көрнекі түрде басып шығарылды. Сонымен қатар, көрмеде аяқ киім тауарларын таңбалау және қадағалау жүйесінде жұмыс істейтін 50-ден астам қатысушыға кеңес берілді.
Естеріңізге сала кетейік, аяқ киім тауарларын цифрлық таңбалау және қадағалау 2021 жылғы 1 қарашада нарықтағы көлеңкелі айналымның жоғары үлесіне байланысты енгізілді. Ресми мәліметтер бойынша, аяқ киім сауда секторындағы көлеңкелі экономика деңгейі 48% құрады.
Анықтама: тауарларды цифрлық таңбалау және қадағалау жүйесі туралы толық ақпарат алу үшін 8 800 080 6565 нөмірі бойынша тәулік бойы байланыс орталығы жұмыс істейді.
Естеріңізге сала кетейік, 2023 жылдың 1 сәуірінен бастап Қазақстанда аяқ киім тауарларын таңбалау және қадағалау ережелері толық күшіне енді: осы кезеңнен бастап тауарларды таңбалау мен қадағалаудың ақпараттық жүйесінде (ТТ ҚАЖ) тіркелмеген аяқ киімді сатуға тыйым салынады.
Тауарларды таңбалау мен қадағалаудың бірыңғай операторы аяқ киім бұйымдарының айналымына барлық қатысушылар үшін таңбалау жүйесі мен қадағалануы туралы ақпараттандыру бойынша ауқымды түсіндіру жұмыстарын жүргізеді.
Қысқа да нұсқа. Жазылыңыз telegram - ға