Қазақстанда «Автокөліксіз күн» акциясы өтеді
![Қазақстанда «Автокөліксіз күн» акциясы өтеді Қазақстанда «Автокөліксіз күн» акциясы өтеді](/storage/storage/element/2024/07/18/mainphoto/113032/1200xauto_D88XMQTZcOxbjvPpx3P7UccJR09qkNo3PfTHtwPs.jpg)
Экологияны қорғау мақсатында «Автокөліксіз күн» акциясы өтеді, деп хабарлайды El.kz ақпарат агенттігі.
Мәдениет және ақпарат министрлігінің мәліметінше, «Birgemiz: Taza Alem» жалпыұлттық жобасын іске асыру шеңберінде «Таза Қазақстан» республикалық экологиялық акциясы аясында «Автокөліксіз күн» челленджі ұйымдастырылады.
Жоба жеке көліксіз жүріп, ауаның ластануын, улы газдардың бөлінуін азайтуға сеп болады.
22 шілдеде кез келген адам челленджге қосыла алады. Ол үшін қатысушылар күні бойы көліктен бас тартуы керек. Ұйымдастырушылар қоғамдық көлікпен, велосипедпен, скутермен немесе жаяу жүруге кеңес береді, - делінген мәліметте.
Қатысушылар #Автокөліксізкүн челлендж хэштегтерін қолдана отырып, әлеуметтік желілерде көліксіз қозғалыстарының фотосуреттерін немесе бейнелерін бөлісуі және @birgemiz_taza_alem2022 ұйымдастырушылар парақшасын белгілеуі қажет.
![Telegram](https://el.kz/static/site/images/tel26.png)