Қазақстанда 500 мыңнан астам заңды тұлға тіркелген
Бұл туралы Ұлттық статистика бюросы мәлім етті![Қазақстанда 500 мыңнан астам заңды тұлға тіркелген Қазақстанда 500 мыңнан астам заңды тұлға тіркелген](/storage/storage/element/2023/01/11/mainphoto/33230/1200xauto_h0P9x2kMaeB9KEJ3tQ8b2GnhHrcxjC8tGV4wncx2.jpg)
2023 жылғы 1 қаңтардағы жағдай бойынша Қазақстанда 507 238 заңды тұлға тіркелген, өткен жылмен салыстырғанда олардың саны орта есеппен 5%-ға өсті (481 732). Оның ішінде 399 мың субъекті жұмыс істеп тұр, деп хабарлайды El.kz ақпараттық агенттігі.
Айта кетейік, негізгі өсім шағын заңды тұлғалар есебінен жүрген, олардың саны – 497 955, орта мекелмер саны – 6 685, ірілер – 2 558.
Былтырғы жыл басынан бері экономикалық қызмет түрлері бойынша тіркелген заңды тұлғалар санының басым бөлігі «Көтерме және бөлшек сауда; автокөліктер мен мотоциклдерді жөндеу» саласында, 2023 жылғы 1 қаңтардағы жағдай бойынша олардың үлесі 28%-ды құрайды. Екінші орында – «Құрылыс» (13,5%), үшінші орында – «Өзге де қызмет түрлерін ұсыну» (9,9%). Осы үш қызмет түрінің жиынтық үлесі барлық тіркелген заңды тұлғалардың 51,4%-ын құрады.
2023 жылғы 1 қаңтардағы жағдай бойынша заңды тұлғалардың көпшілігі Алматы (140 424 немесе 27,7%), Астана (94 407 немесе 18,6%) қалаларында және Қарағанды облысында (28 441 немесе 5,6%) тіркелген. Заңды тұлғалар саны ең аз аймақтар – Ұлытау (2 907 және 0,6%), Абай (8 029 және 1,6%) және Жетісу (7 981 және 1,6%) облыстары.
2022 жылы алдыңғы жылмен салыстырғанда тіркелген заңды тұлғалар, филиалдар және шетелдік меншік нысаны бар шетелдік заңды тұлға филиалдарының саны елеулі өсті. Егер бұдан бұрын мұндай субъектілердің саны орта есеппен 6,7% өсіп отырса, 2022 жылдың 12 айындағы өсім 13,8%-ды құрады. Шетелдік меншік нысанындағы заңды тұлғалардың ТОП 5 еліне Ресей, Түркия, Қытай, Қырғызстан, Өзбекстан кіреді.
![Telegram](https://el.kz/static/site/images/tel26.png)