Қазақстан мен Алжир екіжақты ынтымақтастықты талқылады
Қазақстан мен Алжир екіжақты ынтымақтастықтың келешегін талқылады, деп хабарлайды еліміздің Сыртқы істер министрлігіне сілтеме жасап El.kz ақпарат агенттігі.
Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Алжир Халық Демократиялық Республикасының Сыртқы істер және шетелдегі ұлттық қоғамдастық министрі Ахмед Аттафпен кездесті. Кездесу Джидда қаласындағы ИЫҰ Сыртқы істер министрлері кеңесінің кезектен тыс сессиясы аясында өткен.
Кездесу барысында екіжақты қатынастардың барлық спектрі бойынша ынтымақтастықты дамыту, сондай-ақ халықаралық ұйымдар аясындағы өзара іс-қимыл мәселелері бойынша пікір алмасылды.
Министр Мұрат Нұртілеу екі елдің сауда-экономикалық және инвестициялық ынтымақтастықты арттыру үшін әлеуеті зор екенін алға тартты.
Осы тұрғыда тараптар іскер топтар арасындағы өзара іс-қимылды жандандыру мақсатында Үкіметаралық комиссия құрудың, сондай-ақ көлік-логистикалық мәселелерді шешу үшін «Орта дәлізді» қолданудың маңыздылығын атап өтті.
Оқи отырыңыз:
- СІМ басшысы Анталияда бірқатар кездесу өткізді
- СІМ басшысы III Анталия дипломатиялық форумына қатысты
Қысқа да нұсқа. Жазылыңыз telegram - ға