Халықаралық азаматтық авиация ұйымы (ИКАО) аудитінің нәтижесі бойынша Қазақстан қауіпсіздік стандарттарына (security) 95,7% сәйкес келетінін көрсетті. Бұл - әлемдегі ең жоғары көрсеткіштердің бірі және ТМД елдері арасында үздік нәтиже, деп хабарлайды El.kz интернет порталы.

Салыстыру үшін:
 • Әлемдік орташа деңгей — 72%
 • Орташа еуропалық — 87,9%
 • Қазақстан — 95,7%

5–7 қыркүйек аралығында Нұрсұлтан Назарбаев халықаралық әуежайы да ИКАО аудитінен өтті. Аудит барысында бақылау процестері, персоналды дайындау, тәуекелдерді басқару және қызметтердің өзара әрекеті әлемдік үздік тәжірибелерге сәйкес екені расталды.

Бұл — салаға деген сенім мен тұрақтылықтың, процестер ашықтығының және қауіпсіздікті басқарудың жетілген деңгейінің белгісі. ИКАО талаптарына жоғары сәйкестік Қазақстанды халықаралық авиакомпаниялар, инвесторлар және жаңа бағыттар үшін тартымды етеді.

Әуежай сала мамандарына — әуежай және авиакомпаниялар жұмыскерлеріне және мемлекеттік органдарға алғысын білдіреді. Бұл — кәсіби шеберлікке, жүйелі тәсілге және әлемдік стандарттарға сай болуға ұмтылысқа негізделген бірлескен еңбек.