Úzben Qurmanbaıulynyń kitaby jaryq kórdi

05.02.2021 1326

021 jyly 5 aqpan Ulttyq akademııalyq kitaphanada «Otandastar qory» KeAQ jáne «Dúnıejúzi qazaqtarynyń qaýymdastyǵy» RQB uıymdastyrýymen Úzben Qurmanbaıulynyń  Qazaqstan Táýelsizdiginiń 30 jyldyǵyna arnaǵan «Meıirimdi qoǵam, memlekettiń qajettiligi jáne paıdasy» atty kitabynyń tusaýkeseri ótti, - dep habarlaıdy «Otandastar qorynyń» Baspasóz qyzmeti.


Іs-sharaǵa «Otandastar qory» KeAQ vıtse-prezıdenti Maǵaýııa Sarbasov, «Dúnıejúzi qazaqtarynyń qaýymdastyǵy» RQB ortalyq apparatynyń qeńesshisi Qarlyǵash Qojamurat, professor, UǴA akademıgi Ǵarıfolla Esim, medıtsına ǵylymdarynyń doktory, professor Jasan Zekeıuly, jazýshy Jádı Shákenuly, Ulttyq akademııalyq kitaphananyń dırektory Úmithan Munalbaeva, Mádenıet jáne sport mınıstrliginiń ókilderi, sondaı-aq memleket jáne qoǵam qaıratkerleri, aqyn-jazýshylar men zııaly qaýym qatysdy.

Іs-shara barysynda sóz alǵan «Otandastar qory» KeAQ vıtse-prezıdenti Maǵaýııa Qanapııauly «Avtordyń «Meıirimdi qoǵam, memlekettiń qajettiligi, jáne paıdasy» atty eńbegi Qazaq eli úshin izgiliktiń jolyn ashýdyń múmkindikterin  týǵyzady. Elbasynyń ata zańǵa engizgen «azamattyq qoǵam» qurýdyń alǵy sharttaryn oryndap, oǵan jetý joldaryn anyqtaıdy. Prezıdent Qasym-Jomart Toqaevtyń halyqshyl bolýǵa, halyq pen memleketti árdaıym birge bolýǵa, táýelsizdigimizdi qorǵap saqtaýǵa, halyqtyń ál-aýqatyn jaqsartýǵa baılanysty kóptegen usynystaryn júzege asyrýdyń ońtaıly joldaryn usynady», - dedi.

Jıynǵa qatysýshylar jazýshy, qoǵam qaıratkeri Úzben Qurmanbaıulynyń shyǵarmashylyǵyna tabys tilep, ystyq yqylastaryn jetkizdi.

Ádebı keshtiń tizginin ustaǵan Ǵarıfolla Esim: «Meıirimdi qoǵam quryp, meıirimdilik zańdylǵyna baǵyný arqyly ǵana búgingi qıyndyqtyń bárinen shyǵamyz. Eger osylaı jasaı almasaq bári beker, alǵa qaryshtap damýdyń ózge joly joq ekeni de túsinikti. Men muny burynnan aıtyp kelgenmin. Al búgin Úzben Qurmanbaıuly taıǵa tańba basqandaı etip aıqyndapty. Endi bizge ne kerek, dál osy kóterilgen máseleni ulttyq ıdologııa etýimiz kerek», - degen oramdy oıyn ortaǵa saldy.

Telegram jańalyqtar

Jańalyqtar