Qytaıdan kelgen 91 jastaǵy áje azamattyq aldy

03.01.2021 1244

Kamal Qaharmanqyzy 1929 jyly qazirgi Almaty oblysy, Alakól aýdany, Jylandy aýylynda týǵan. Ákesi Qaharman, sheshesi Shárbaný. El ishindegi aýmaly-tókpeli zamanda 1932 jyly 5 jasynda ata-anasymen Qytaı Halyq Respýblıkasyna qonys aýdarypty. Ata-anasy Qytaı eliniń Buratala oblysy, Arasan aýdanynda turyp, aýyl-sharýshylyǵy salasynda qyzmet isteıdi. 1947 jyly Tegisbaı Ybyraıymulyna turmysqa shyǵady.

«Bala baýyr etiń» degendeı 4 ul, 5 qyzynan 40 astam nemere-shóbere kóripti. Taǵdyr jazýymen atajurttan alys ketken anamyzdyń armany elge oralý bolypty.

Qazaq eline alǵash ret joldasy Tegisbaı Ybyraıymulymen 2004 jyly kelipti. 2006 jyly otaǵasy ómirden ótip, elge kelýine qıyndyq týady. Araǵa jyldar salyp otbasymen elge kóship keledi. Osy tusta Kamal áje qujat jasatý jaǵynan qıyndyqqa ushyraıdy. Sebebi elimizde shetelden kelgen azamattarǵa qujat jasatýdyń ózindik tártibi bar. Atap aıtsaq, týý týraly kýálik bolýy jáne pasportta tegi kórsetilýi kerek. Osy eki sebeppen biraz ýaqyt qujatyn jasata almaıdy.

Osy oraıda «Otandastar qory» Kamal ájeniń máselesin qolǵa alyp, tıisti mekemelerdiń kómegimen azamattyq kýáligin alyp berdi. Ǵasyrǵa jýyq jasaǵan ájemizdiń alǵysyn alyp, qandastarǵa qol ushyn sozǵan barlyq azamattarǵa alǵysymyzdy bildiremiz.

«Otandastar qory» KeAQ Baspasóz qyzmeti
Qosymsha aqparat boıynsha: 87014703033

Telegram jańalyqtar

Jańalyqtar