Tuńǵysh ret "Úrker" ulttyq jýrnalıstıka syılyǵy sheteldegi qazaq tildi BAQ-qa berildi

13.11.2020 1252

13 qarasha Nur-Sultan qalasynda baspa, radıo jáne ınternet-jýrnalıstıka salasyndaǵy «Úrker – 2020» ulttyq syılyǵynyń jeńimpazdaryn marapattaý rásimi ótti.


Bıyl «Otandastar qorynyń» usynysymen jáne Aqparat jáne qoǵamdyq damý mınıstrliginiń qoldaýymen «Úrker» ulttyq syılyǵy «QazAqparat» Halyqaralyq Aqparat agenttiginiń 100 jyldyǵyna oraı sheteldegi qazaq tildi BAQ ókilderine arnaıy bir nomınatsııa taǵaıyndalǵan edi.

Baıqaýǵa Reseı, Ózbekstan, Mońǵolııa, Túrkııa, Iran memleketterinen 10 úmitker qatysty. Qazylar alqasynyń sheshimimen Mońǵolııa Respýblıkasyndaǵy qazaq tildi https://kaznews.mn/ saıty jeńimpaz atandy.

Aıta keteıik, «Otandastar qory» men «QazAqparat» Halyqaralyq Aqparat agenttigi birlese jumys istep keledi. 2019 jyly eki taraptyń qoldaýymen sheteldegi qazaq tildi buqaralyq aqparat quraldarynyń jıyny uıymdastyryldy. Atalǵan májiliste sheteldegi qazaq tildi BAQ birlestigin qurý usynyldy.

Sondaı-aq 2020 jyly Aqparat jáne qoǵamdyq damý mınıstrliginiń «Sheteldik jáne Qazaqstan Respýblıkasyna kelgen etnıkalyq qazaqtardy qoldaýdy qamtamasyz etý jónindegi qyzmetter» baǵdarlamasy sheńberinde 80 astam sheteldegi qazaq tildi BAQ-tyń derekqory anyqtaldy.

Endi 2021 jyly sheteldegi qazaq tildi BAQ birlestigin qurý josparlanǵan.
«Úrker» ulttyq jýrnalıstıka syılyǵynyń sheteldegi úzdik qazaq tildi BAQ-qa arnalǵan alǵashqy júldesin jeńip alǵan https://kaznews.mn/ saıtyn «Otandastar qory» atynan quttyqtaımyz!

Telegram jańalyqtar

Jańalyqtar