«Táýelsizdikke tartý» jobasy bastaldy

04.02.2021 1156

El táýelsizdiginiń otyz jyldyǵyna arnalǵan «Táýelsizdikke tartý» jobasy aıasynda «Otandastar qory» KeAQ men «Dúnıejúzi qazaqtary qaýymdastyǵy» RQB uıymdastyrýymen «Kók týdyń jelbiregeni» atty is-shara ótti.

Onlaın formatta ótken júzdesýge Parlament májilisiniń depýtaty Qazybek Isa, «Otandastar qory» vıtse-prezıdenti Maǵaýııa Sarbasov, «Dúnıejúzi qazaqtarynyń qaýymdastyǵy» RQB ortalyq apparatynyń qeńesshisi Qarlyǵash Qojamurat, «Otandastar qory» KeAQ prezıdentiniń keńesshisi Rahym Aıypuly, «Respýblıkalyq Jebeý qoǵamdyq birlestiginiń» tóraǵasy Omaráli Álibekuly, kompozıtor ánshi Tileýbek Qojanuly, aqyn Almas Ahmetbekuly, Nurshat Zeıiphanuly, Bazaraly Áripuly jáne basqada azamattar qatysty.

Depýtat Qazybek Jarylqasynuly mádenı kezdesýdi joǵary baǵalap, óz alǵysyn jetkizdi. Qoǵam vıtse-prezıdenti Maǵaýııa Qanapııauly atqarylǵan jumystarǵa toqtalyp, bolashaq josparlarymen bólisti.

Halyq júreginen oryn alǵan óner týyndysy «Kók týdyń jelbiregeni» ániniń áýenin jazǵan marqum Ermurat Zeıiphanuly shyǵarmashylyǵy týraly estelikter aıtyldy. Ánniń sózin jazǵan aqyn Almas Ahmetbekuly «Qıyrda qalǵan qazaqtyń, kóziniń móldiregeni» dep alystaǵy aǵaıynnyń bar armanyn, maqsatyn, muratyn aıqyn sýrettep bergen edi. Kesh sońynda ásem ándi Qurmanbek Álimǵazy men Rıza Qaıyrbaıqyzy oryndap, kóptiń alǵysyna bólendi.

Telegram jańalyqtar

Jańalyqtar