Stambýlda «Abaı» mádenı-iskerlik úıi ashyldy

2020 jylǵy 29 qazanda «Otandastar qory» men Dúnıejúzi qazaqtary qaýymdastyǵymen birlesip, QR Aqparat jáne qoǵamdyq damý, QR Syrtqy ister mınıstrlikteriniń qoldaýymen onlaın-formatta Stambýl qalasynda (Túrkııa) «Abaı» mádenı-iskerlik úıiniń saltanatty túrde ashyldy.

Іs-sharaǵa QR SІM Erekshe tapsyrmalar jónindegi Elshisi Batyrhan Qurmanseıitov, QR Aqparat jáne qoǵamdyq damý mınıstrligi Etnosaralyq qatynastardy damytý komıteti tóraǵasynyń orynbasary Erkin Úısimbaev, Ystambul qalasy Zeıtinburny aýdanynyń ákimi Omar Arısoı, QR Ystambuldaǵy Bas Konsýly Álim Baıel, «Otandastar qory» KeAQ Prezıdentiniń keńesshisi Qalybek Qoblandın, «Qazaq-túrik bilim berý jáne zertteýler» assotsıatsııasynyń prezıdenti Ertolqyn Gaıretýllah, sondaı-aq qoǵam qaıratkerleri, Túrkııadaǵy qazaq qaýymynyń ókilderi jáne t. b. qatysty.

Іs-shara aıasynda «Abaı» mádenı-iskerlik úıiniń tusaýkeseri ótip, Túrkııadaǵy qazaq qoǵamdastyǵynyń mádenı, iskerlik jáne bilim berý qyzmetin qoldaýǵa baǵyttalǵan birlesken jobalardy iske asyrý máseleleri talqylandy.

«Otandastar qory» shetelde «Abaı» mádenı-iskerlik úıiniń jelisin ashý jumysyn jalǵastyrýda. Buǵan deıin «Abaı» mádenı-iskerlik úıileri Omby (Reseı) jáne Tashkent (Ózbekstan) qalalarynda ashylǵan edi. 2020 jyldyń sońyna deıin Bishkek qalasynda (Qyrǵyzstan), Berlın qalasynda (Germanııa) taǵy eki «Abaı» mádenı-iskerlik úıi ashylýy josparlanyp otyr.

Telegram jańalyqtar