Sheteldegi qandastarǵa arnalǵan «Qazaǵym-aı» onlaın-kontserti ótti

«Uly dala elinen» jobasy aıasynda «Halyq qazynasy» memlekettik óner ujymy sheteldegi qandastarǵa arnalǵan «Qazaǵym-aı» atty onlaın kontsert usyndy.

Qazaq dıasporasyna rýhanı qoldaý kórsetý jáne sheteldegi qandastarmen baılanysty nyǵaıtý maqsatynda ótken kontsertti Dúnıejúzi qazaqtarynyń qaýymdastyǵy, «Otandastar qory» KEAQ jáne «Qazaqkontsert» uıymy birlesip uıymdastyrǵan edi. Bul joba 2019 jyldan beri QR Aqparat jáne qoǵamdyq damý mınıstrliginiń tapsyrmasymen júzege asyrylyp keledi. 

Tikeleı efırde ótken onlaın kontsertte dástúrli án-kúı óneriniń belgili sańlaqtary óner kórsetti. Onlaın kontsert «Otandastar qory» KEAQ Otandastar channel YouTube arnasynda kórsetilip, qazirgi tańda barshaǵa qoljetimdi. Kontsertti kórý úshin myna silteme arqyly ótý qajet: https://youtu.be/CmAi2HFhSo4

Onlaın formatynda uıymdastyrylǵan is-sharada Qazaqstannyń eńbek sińirgen qaıratkerleri Janǵalı Júzbaı, Erlan Rysqalı, Erbolat Shaldybekov, Klara Tólenbaeva, Ardaq Balajanova jáne halyqaralyq baıqaýlardyń laýreattary Asqar Muqııat, Aqerke Tájibaeva, Venera Tabys óner kórsetti. Ártister kópshilik súıip tyńdaıtyn ulttyq mýzykalyq týyndylar men jańa mýzykalyq kompozıtsııalardy oryndady.

Telegram jańalyqtar