«Otandastar qory» JOO-lardaǵy Daıyndyq bólimderiniń basshylarymen kezdesý ótkizdi

15.01.2021 1392

«Otandastar qory» KeAQ-tyń uıymdastyrýymen joǵary oqý oryndaryndaǵy Daıyndyq bólimderiniń basshylarymen kezdesý ótti. Іs-sharaǵa «Otandastar qory» atynan Jobalar koordınatory Dıdar Bolat, Bilim jáne qazaq tili baǵytynyń jaýapty mamany Nurymjan Jumaǵazıev, menedjer Aljan  Sharıpov jáne Joǵary oqý oryndaryndaǵy Daıyndyq bólimderiniń basshylary qatysty.

Kún tártibinde Qandas talapkerlerge arnalǵan onlaın UBT baıqaý synaǵyn ótkizý mehanızmderi, sondaı-aq «Otandastar qorynyń» Qazaqstanǵa kelip bilim alýshy qandas stýdenttermen jyl boıy uıymdastyratyn kezdesýleriniń kún tártibi talqylandy. Jıyn barysynda bólim basshylyrynyń barlyq usynystary tyńdalyp, bıylǵy oqý jylyn nátıjeli aıaqtaý jóninde mańyzdy oılar aıtyldy.

Jıynǵa qatysýshylardyń qoldaýymen bıylǵy oqý jylynda ótetin Ulttyq birińǵaı testileýdiń daıyndyǵy retinde «Onlaın baıqaý synaǵyn» 2021 jylǵy 24 aqpanda uıymdastýǵa kelisildi. Osy oraıda tolyq tizim men qatysýshylardyń tizimi jınaqtalyp, Ulttyq testileý ortalyǵyna joldanady.

Sonymen qatar is-shara aıasynda kóbiniń «onlaın» rejımge áli de úırenise almaı kele jatqany aıtylyp, qujattaryn onlaın tapsyryp oqyp jatqan stýdentterdiń shákirtaqysyn qoldaryna berý máselesi qarastyryldy. Sondaı-aq kezdesýde oqýǵa nemese testileýge qatysýǵa qujat tapsyrǵanda talapkerdiń óz elinde júrip jeke qujattaryn aýdarý jáne ony notarıaldy rastaý máselesin sheshý, sheteldegi qandas talapkerlerdiń qashyqtan JSN alýyna jaǵdaı jasaý jóninde máseleler kóterildi.

Telegram jańalyqtar

Jańalyqtar