«Otandastar qory» janyndaǵy Qoǵamdyq komıssııanyń otyrysy ótti

27.10.2020 1129

2020 jylǵy 27 qazanda «Otandastar qory» KeAQ janyndaǵy Qoǵamdyq komıssııanyń otyrysy ótti.


Іs-sharaǵa QR Parlamenti Senatynyń depýtaty, komıssııa tóraǵasy Murat Baqtııaruly, Aqmola oblysy ákiminiń orynbasary Malǵajdar Tátkeev, QR Aýyl sharýashylyǵy mınıstrliginiń Jer resýrstaryn basqarý komıtetiniń tóraǵasy Gúljahan Bımendına, sondaı-aq Syrtqy ister, Aqparat jáne qoǵamdyq damý, Eńbek jáne halyqty áleýmettik qorǵaý mınıstrlikteriniń ókilderi jáne t. b. qatysty.

Jıyn barysynda Aqmola oblysy «Nurly kósh» (Krasnyı ıAr) aýylyndaǵy qandastarǵa salynǵan úılerdiń zańdastyrý máselesi aıtyldy.

«Nurly Kósh» baǵdarlmasy boıynsha Aqmola oblysy, Kókshetaý qalasy, Krasnyı ıAr aýylynda 2009 jyly respýblıkalyq transfertterdiń esebinen shamamen 1,5 mlrd.teńge somasyna (1 466 mln. teńge) 138 eki páterli turǵyn úıler salynǵan bolatyn. 2011 jyly turǵyn úıler «Esil» ÁKK» UK» AQ balansynan Kókshetaý q. ákimdiginiń balansyna berildi. Úılerdiń jalǵa berilýine baılanysty, ıaǵnı olarǵa menshik quqyǵy joq, sondyqtan turǵyndar jyljymaıtyn múlikti kútip-ustaýǵa qarjylaı júktemeni alǵysy kelmeıdi», - deıdi Aqmola oblysy ákiminiń orynbasary Malǵajdar Tátkeev.

Búgingi tańda, osy baǵdarlamanyń barlyq qatysýshylary Qazaqstan Respýblıkasynyń azamattary. 

«Oryn alǵan jaǵdaıdy sheshý úshin, turǵyn úılerdi, sol úılerde turyp jatqan azamattardyń menshigine berý barynsha utymdy, ári ekonomıkalyq turǵydan alǵanda tıimdi bolady. Alaıda, qazirgi ýaqytta baǵdarlama qatysýshysyna turǵyn úıdi berý tetigi zańnamamen qarastyrylmaǵan. Ol úshin, «Turǵyn úı qatynastary týraly» Zańǵa ózgerister engizý nemese jalǵa alý bereshegin óteý talabymen «Nurly kósh» baǵdarlamasyna qatysýshylardyń menshigine turǵyn úıdi berý qaǵıdasyn ázirleý qajet», - dedi jıyn barysynda ákim orynbasary.

Aıta keteıik, Qoǵamdyq komıssııa sheteldegi otandastardy qoldaý, sondaı-aq tarıhı Otanyna oralǵan qandastardy beıimdeý jáne yqpaldasý jónindegi memlekettik saıasatty iske asyrýda jan-jaqty qoldaý kórsetý máseleleri talqylanatyn dıalog alańy retinde áreket etedi.

Osy oraıda búgingi otyrys barysynda Qazaqstannyń aımaqtaryndaǵy aýyl sharýashylyq maqsatynda qoldanýǵa jaramdy bos jer telimderin qandastarǵa berý múmkindikteri talqylandy. Sondaı-aq, qoldanystaǵy memlekettik baǵdarlamalar aıasynda qandastarymyzdy soltústik óńirlerge kóshirýge qatysty memlekettik saıasatty jandandyrý máseleleri aıtyldy.

Qoǵamdyq komıssııanyń qorytyndysy boıynsha sheteldegi otandastardy jáne Qazaqstanǵa erikti túrde qonys aýdarǵan qandastardy qoldaý  sharalary boıynsha usynystar berildi.

Telegram jańalyqtar

Jańalyqtar