Ulan-Batyr men Almaty arasynda jańa reıs ashyldy

29.09.2020 1216

Qazaqstannyń Mońǵolııadaǵy Elshisi Jalǵas Ádilbaev Mońǵolııa Úkimetiniń Atqarýshy agenttigi – Azamattyq avıatsııa bas basqarmasy jáne «Hýnný eır» áýe kompanııasynyń basshylyǵymen birge atalǵan kompanııanyń «Ulan-Batyr - Almaty» baǵytyndaǵy áýe qatynasyn ashýǵa arnalǵan baspasóz konferentsııasyna qatysty.

J.Ádilbaev óz sózinde Qazaqstannyń eń iri megapolısi men Mońǵolııanyń astanasy arasyndaǵy tikeleı áýe qatynasynyń ashylýymen quttyqtap, 2019 j. 10 qazanda Qazaqstannyń astanasynda ótkizilgen QR Premer-mınıstri A.Mamın men Mońǵolııanyń Premer-mınıstri Ý.Hýrelsýhtyń arasyndaǵy kelissózderde qol jetkizilgen osy baǵyttaǵy áýe qatynasyn ashý jónindegi ýaǵdalastyqtyń tolyqqandy oryndalǵanyn atap ótti.

Atalǵan jańa áýe baǵyty ekijaqty saıası, saýda-ekonomıkalyq, mádenı-gýmanıtarlyq, týrıstik salalardaǵy baılanystardyń qarqyndy damýyna múmkindik beretini aıtyldy.

«Ulan-Batyr - Almaty» baǵytyndaǵy «Hýnný eır» áýe kompanııasynyń ushaǵy jergilikti ýaqyt 13:00 saǵatta Mońǵolııanyń astanasynan ushty.

Telegram jańalyqtar

Jańalyqtar