«Atameken» kitaby jaryqqa shyqty

22.09.2020 994

Mádenıet jáne sport mınıstrligi Til saıasaty komıtetiniń tapsyrmasymen Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy sheteldegi etnıkalyq qazaqtardy qoldaýdyń 2018-2022 jyldarǵa arnalǵan issharalar josparynyń «Qazaqstannyń qasıetti jerlerimen tanystyrý maqsatynda aqparattyq-anyqtamalyq materıaldardy ázirleý jáne shyǵarý» tarmaǵy boıynsha «Atameken» aqparattyq-tanymdyq kitabyn jaryqqa shyǵardy. 

Mundaǵy maqsat – shet eldegi qandastarymyz eldiń tynys-tirshiliginen habardar bolsyn, ata jurtynan qol úzip qalmasyn degen  izgi nıet jáne respýblıkamyzdyń ár óńirinde ornalasqan kıeli mekender men qasıetti nysadar birtutas keshen retinde qarastyrylyp, shet eldegi qandastarymyzǵa atameken týraly tolyq maǵlumat berý, - deıdi kitapty qurastyrýshylar. Sondaı-aq, «Jerdiń aty – tarıhtyń haty» degendeı, ótken men búginginiń sabaqtastyǵy halyq mekendegen jer-sý ataýlarynan kórinis tabady. Árbir ataýdyń óz tarıhy, árbir qasıetti orynnyń kıege aınalý sebebi bar. Mundaı qut mekender belgili bir óńirdiń maqtanyshy ǵana emes, jalpyulttyq mańyzy bar qasterli oryndar, ata jurtta meken etken urpaqtyń tarıhy, tirshilik kózi, oı-óresi týraly maǵlumat beretin syrly shejire. Mine, jınaqty qurastyrý barysynda osy máseleler basty nazarǵa alyndy, - deıdi ortalyqtyń termınologııa jáne onomastıka bóliminiń jetekshi ǵylymı qyzmetkeri, fılologııa ǵylymdarynyń kandıdaty Saıa Aǵanasqyzy. Kitapta kıeli jerlerdi anyqtaýda qoldanylǵan bes ólshemge sáıkes erekshe baǵalanatyn tabıǵı mura eskertkishteri tóńireginde aqparattyq-anyqtamalyq materıaldar toptastyrylsa, ekinshi kitapta el aýmaǵyndaǵy arheologııalyq eskertkishter men ortaǵasyrlyq qalalyq ortalyqtar týraly málimetter berilgen. Bıyl osyndaı taǵy birneshe kitap daıyndalý ústinde kórinedi. Bul týyndylarǵa dinı jáne ǵıbadat oryndary týraly aqparattar, kıeli nysandardyń sıpattamasy men sýretteri engizilmekshi. Sondaı-aq oqyrman «kesene men mazardyń, qorymnyń ózara aıyrmashylyǵy nede?», «elimizde qandaı qulshylyq-ǵıbadat oryndary bar?», «úlken qylýet qaıda ornalasqan?» sııaqty kóptiń kókeıinde júrgen suraqtarǵa jaýap alady. Elimizdegi bir shege qoldanylmastan, aǵashtardy ózara qııýlastyrý arqyly salynǵan meshittermen, irgetasy quıylmaı jerdiń ústine birden órilgen kesenelermen, syrtqy pishini qarasha úıdi elestetetin jabaıy tastardan qurylǵan sferalyq formadaǵy kóne qurylymdarmen, sáýlet-qurylys óneriniń basqa da keremetterimen tanysyp, qasıetti oryndarǵa bir taban jaqyndaı túskińiz kelse, osy «Atameken» jınaǵynan tabasyz, - deıdi kitapty qurastyrýshylar.

Derekkóz: egemen.kz


Telegram jańalyqtar

Jańalyqtar