Antalııada Abaı saıabaǵy ashyldy

23.09.2020 1357

Antalııa qalasynda túrki áleminiń uly aqyny, kompozıtor, qazaq oıshyly Abaı Qunanbaıuly atyndaǵy saıabaqtyń ashylý saltanaty ótti.


Abaı Qunanbaıulynyń 175 jyldyq mereıtoıyn atap ótý sheńberinde Qazaqstannyń Túrkııadaǵy Elshiligi, Antalııadaǵy Konsýldyǵy, Qazaqstan jáne Eýrazııa halyqtarynyń dostyq pen mádenıet qaýymdastyǵynyń bastamasymen Antalııa qalasyndaǵy saıabaqqa Abaı Qunanbaıuly esimi berildi.

Saıabaqta Abaıdyń mármermen qaptalǵan eckertkish taqtasy ornatylyp, ashylý saltanatyna Qazaqstannyń Túrkııadaǵy Elshisi Abzal Saparbekuly, Antalııa qalasy Muratpasha aýdanynyń meri Úmit Ýısal, Dúnıejúzi qazaqtary qaýymdastyǵy men «Otandastar» qorynyń atynan Lıatıfa Kýchembaeva, Qarlyǵash Qojamuratova, Qoja Ahmet ıAssaýı ýnıversıteti Ókiletti keńesiniń Tóraǵa keńesshisi, professor Fyrat Pýrtash, Respýblıkalyq Halyq partııasynyń Antalııadaǵy tóraǵasy Nýsret Baıar jáne orynbasary Rafet Zeıbek, Qazaqstan jáne Eýrazııa halyqtarynyń dostyq pen mádenıet qaýymdastyǵy músheleri, jergilikti qonaqtar men BAQ ókilderi qatysty.

Alqaly jıyn barysynda shaǵyn kontserttik baǵdarlama uıymdastyrylyp, Abaı shyǵarmashylyǵynan belgili óleńderi oqylyp, án-kúıi shyrqalyp, kitaptary syıǵa tartyldy.

Telegram jańalyqtar

Jańalyqtar