Qandastarǵa arnalǵan «Qazaǵym-aı» atty onlaın kontserti

23.09.2020 1419

«Uly dala elinen» jobasy aıasynda «Halyq qazynasy» memlekettik óner ujymy sheteldegi qandastarǵa arnalǵan «Qazaǵym-aı» atty onlaın kontsert usynady.


Qazaq dıasporasyna rýhanı qoldaý kórsetý jáne sheteldegi qandastarmen baılanysty nyǵaıtý maqsatynda ótetin kontsertti Dúnıejúzi qazaqtarynyń qaýymdastyǵy, «Otandastar qory» KEAQ jáne «Qazaqkontsert» uıymy birlesip uıymdastyrýda. Bul joba 2019 jyldan beri QR Aqparat jáne qoǵamdyq damý mınıstrliginiń tapsyrmasymen júzege asyrylyp keledi.

27 qyrkúıek kúni saǵat 21.00-de (Nur-Sultan ýaqyty boıynsha) tikeleı efırde ótetin onlaın kontsertte dástúrli án-kúı óneriniń belgili sańlaqtary óner kórsetedi. Onlaın kontsert «Otandastar qory» KEAQ Otandastar channel YouTube arnasynda kórsetilip, barshaǵa qoljetimdi bolmaq.

Tikeleı efırde Qazaqstannyń eńbek sińirgen qaıratkerleri Janǵalı Júzbaı, Erlan Rysqalı, Erbolat Shaldybekov, Klara Tólenbaeva, Ardaq Balajanova jáne halyqaralyq baıqaýlardyń laýreattary Asqar Muqııat, Aqerke Tájibaeva, Venera Tabys óner kórsetedi. Ártister kópshilik súıip tyńdaıtyn ulttyq mýzykalyq týyndylar men jańa mýzykalyq kompozıtsııalardy oryndaıdy.

Qysqa da nusqa. Jazylyńyz telegram - ǵa

Jańalyqtar