Qandas jastar Túrkistanda bas qosty

«Dúnıejúzi qazaqtarynyń qaýymdastyǵy» men «Otandastar qorynyń» qoldaýymen «Jas qazaq» halyqaralyq jastar uıymymen birlesip úshinshi ret Qazaqstannyń kıeli jerlerine saıahat uıymdastyryldy. Aıtýly is-shara «Kıeli Qazaqstan» jobasy aıasynda júzege asty. Sońǵy jyldary sheteldegi qazaq jastarymen baılanys ornatylyp, júıeli jumys bir arnaǵa tústi.

⠀
Jobanyń basty maqsaty – qandastarymyzdy Qazaqstannyń kıeli jerlerimen tanystyryp, qandastardy qoldaýǵa arnalǵan túrli baǵdarlamalar týraly aqparat berip, «Rýhanı jańǵyrý» baǵdarlamasy sheńberinde bilim, mádenı-gýmanıtarlyq múmkindikter jóninde málimet jetkizip, bolashaqta jıynǵa qatysqan etnıkalyq qazaq jastarymen birlesip jumys isteýge, qarym-qatynasty nyǵaıtýǵa jol ashý.
⠀
Álemge taralǵan pandemııa saldarynan bıyl shetelden qandas jastar kele almady. Sol úshin «Kıeli Qazaqstan» jobasyna elimizdiń joǵarǵy oqý oryndarynda oqyp jatqan stýdent jastar qatysty. Kórshiles alys-jaqyn shetelden kelgen 20 jas Túrkistan oblysy men Shymkent qalasyna saıahattady.
⠀
Igilikti shara eki kúnge josparlandy. Alǵashqy kúni «Qandas jastarmen – bolashaqqa» atty dóńgelek ústel uıymdastyrylyp, sharaǵa qatysýshylar atqarylyp jatqan jobalarmen tanysyp, oılaryn bildirdi. Shymkent qalasyndaǵy kórikti jerlerdi tamashalap, Saıram tarıhymen tanysty.
⠀
Ekinshi kúni qatysýshylar kıeli Túrkistan qalasyna baryp tarıhı oryndardy aralap kórdi. Shara sońynda jastarǵa «Álem qazaqtary» degen kitap pen baǵaly syılyqtar tabys etildi.

Telegram jańalyqtar