«Abaı» qazaq mádenı-iskerlik úıi aıasynda «Otandastar kúni» ótti

26.11.2020 905

2020 jylǵy qarashanyń 24 men 29 aralyǵynda RF Omby qalasynda «Omby qazaqtary» Omby aımaqtyq qoǵamdyq uıymynyń uıymdastyrýymen Qazaq mádenıeti aptalyǵy (Online/Offline) ótti. Keń aýqymdy baǵdarlamaǵa negizdelgen is-shara Omby qalasynda, «Rossııa. Moıa ıstorııa» tarıhı saıabaǵynda uıymdastyryldy. Atalǵan jobaǵa belsene atsalysqan «Otandastar qory» KeAQ Sheteldegi otandastardy qoldaý departamenti ujymy 26 qarasha kúni  «Abaı» qazaq mádenı-iskerlik úıi jobasy aıasynda «Otandastar kúni» atty aýqymdy shara ótkizdi.

«Omby qazaqtary» Omby aımaqtyq qoǵamdyq uıymymen jáne «Dúnıejúzi qazaqtary qaýymdastyǵy» RQB-men birlese ótkizgen mádenı is-shara «ZOOM» platformada onlaın formatta júzege asyrylyp, birneshe basym baǵyttar qamtyldy.

Іs-sharaǵa «Otandastar qory» KeAQ vıtse-prezıdenti Maǵaýııa Sarbasov, «Dúnıejúzi qazaqtary qaýymdastyǵy» RQB Ortalyq apparatynyń keńesshisi Qarlyǵash Hojamurat, «Otandastar qory» KeAQ bas menedjeri Serik Abdýalıev, sondaı-aq Omby tarapynan belsendi ókilder qatysty.

Otandastar kúnine uıymdastyrylǵan is-sharalar:

- Halyq ulttyq aspaptarda óner kórsetý kontserti (dombra, qobyz jáne jetigen): Qazaqstannyń eńbek sińirgen qaıratkeri, dástúrli janyrdyń tanymal oryndaýshysy Sáýle Janpeıisovanyń dombyrada óner kórsetýi; «Qylqobyz úırený» sabaǵyn ónertaný ǵylymdarynyń magıstri, Qazaq ulttyq óner ýnıversıtetiniń aǵa oqytýshy Gúljan Mustahımnyń qobyzda óner kórsetýi; «Jetigen zertteý» akademııasynyń prezıdenti, óner magıstri Venera Tabystyń jetigende óner kórsetýi;

- «Aıkýne» qazaq emdik-saýyqtyrý gımnastıkasy boıynsha Nazerke jetekshiligimen gımnastıka sabaǵy;

- qazaq ulttyq óner ýnıversıtetiniń «Dombyra» kafedrasynyń jetekshi oqytýshysy Tapenov Dáýlet Tursynhanulynyń jetekshiligimen dombyrada úırený sabaǵy;

- halyqtyq-qoldanbaly óneri boıynsha master-klass: ulttyq órnek túrleri, mataǵa órnekterdi kóshirip basý jáne quraq qúraýda ony paıdalaný ádisi. Júrgizýshi - tigin óndirisi salasynda 26 jyldyq tájirıbesi bar dızaıner-modeler, etno-dızaıner, Eýrazııalyq Dızaınerler odaǵynyń «Qurmetti dızaıneri», «Dástúr» ulttyq syılyǵynyń ıegeri, Ulttyq dızaın akademııasynyń akademıgi, «Qurmetti dızaıner» tós belgisiniń ıegeri, «Hazifa sheberlik mektebi» oqý ortalyǵynyń dırektory Muhametqalı Qazıpa Qalıqyzy;

- «Jas qazaq» Dúnıejúzilik jastar uıymynyń jobalarymen tanystyrý;

- «Qazaqtyń ulttyq qundylyqtary - Uly dala brendi» jobasy aıasynda "As-Arqaý" kompanııasynyń dırektory, salaýatty ómir salty jobasynyń jetekshisi EKO brend Ónerhan Sansyzbaıdyń qazaqtyń ulttyq taǵamdary (baýyrsaq, beshbarmaq, qymyz) taqyrybynda áńgimelesý;

- Qazaq taǵamdary: baýyrsaq, beshbarmaq, qymyz. «Dastarhan» JShQ tusaýkeseri;

- Omby sheberleriniń sheberlik sabaǵy.

Telegram jańalyqtar

Jańalyqtar