2021 jyly qandastar UBT-ny qalaı tapsyrady?

25.11.2020 1438

Álemdi jaılaǵan indet barlyǵymyzǵa ońaı tımedi, alaıda atajurt Qazaqstanda bilim alǵysy kelip, UBT tapsyryp, oqýǵa túskisi kelgen qandas jastar úshin barlyq jaǵdaı jasaldy dep nyq senimmen aıta alamyz!

Máselen shekaranyń jabylýyna qaramastan, osy jazda QR Syrtqy ister, QR Bilim jáne ǵylym mınıstrliginiń qoldaýymen sheteldegi qara kóz qandastarymyzǵa Qazaqstanǵa kirý múmkindigi uıymdastyrylyp, basqa memleketten shyǵa almaǵan balalarǵa UBT alǵash ret onlaın formatta ótkizildi.

Endigi suraq: «Kelesi jyly jaǵdaı qandaı bolmaq?». Osy oraıda «Otandastar qorynyń» bastamasymen, «Zerdeli» aqyl-oı damytý ortalyǵynyń qoldaýymen Qazaqstanǵa kelip, bilim alǵysy keletin qandastarymyzǵa jáne Qazaqstan JOO-larynyń Daıyndyq bóliminde bilim alyp jatqan tyńdaýshylarǵa «2021 jylǵy Ulttyq birińǵaı testileýdiń erekshelikteri men ózgeristeri» taqyrybynda Ulttyq testileý ortalyǵynyń basshysy Dıdar Sumaǵulovpen tikeleı efırde suhbat uıymdastyrylǵan edi.

Sonymen 2021 jyly qandastar UBT-ny qalaı tapsyrady, jalpy UBT-da qandaı ózgerister paıda boldy jáne 2021 jylǵy josparlar qandaı degen suraqtardyń jaýabyn osy tikeleı efırden tabýǵa bolady. Vıdeoǵa silteme: https://www.youtube.com/watch?v=8mSs2qxohnc&t=5948s

Telegram jańalyqtar

Jańalyqtar