«Qazaq tilin úıretý: álemdik jáne halyqaralyq tájirıbe» taqyrybynda biliktilikti arttyrý kýrsy ótkizildi

01.11.2020 2367


Til kýrsyna Reseı, Mońǵolııa, Portýgalııa, Ispanııa, Belgııa, Iran, Fınlıandııa, Túrkııa, AQSh sekildi 9 memlekette turatyn 46 qazaq tilin oqytýshy qandastarymyz qatysty. Barlyq biliktilikti arttyrý kýrsyna qatysýshylarǵa arnaıy sertıfıkat tabys etiledi. Kýrstyń qorytyndy jıynynda sóz alǵan Qazaqstan Respýblıkasy Mədenıet jəne sport mınıstrligi Til saıasaty komıtetiniń tóraǵasy Ədilbek Qaba «Qaıda júrsek te, qanymyz qazaq, janymyz qazaq. Til bar jerde qazaq ulty bar. Árbir qazaq ana tilin ardaqtaıdy. Óıtkeni, elge degen mahabatyń da, salt-dástúrine degen qurmetiń de tilge baılaýly. Árıne, elde turyp qazaq tilin úırengen bir bólek, al týǵan jerden alysta turyp jatqan qandastarǵa til úıretýdiń jóni bir basqa. Osy turǵydan kelgende, sizderge júktelgen mıssııa – qasıetti de jaýapty», - dedi.

Odan keıin sóz alǵan «Otandastar qory» KeAQ jobalar koordınatory Dıdar Bolat shetelderde qazaq tilin oqytý kýrstary boıynsha ózekti məseleler tóńireginde sóz qozǵap, elden tys jerlerde turyp jatqan qazaqtar úshin qor tarapynan ótkizilip jatqan sharalarmen tanystyrdy. Omby, Tashkent, Stambýl, Berlın qalalarynda ashylǵan «Abaı úıi» mádenı-iskerlik úıiniń bir baǵyty qazaq tilin damytý ekenin aıtyp, aldaǵy ýaqytta atalǵan jospar sheńberinde Bishkek qalasy da bar ekenin tilge tıek etti. Ana tilin ardaqtaǵan qazaq halqynyń el ishinen bólek sheteldegi qandastarymyzdyń til kýrsyna belsene qatysýyna rızashylyq bildirdi. Sondaı-aq, qazaq tilin oqytýdaǵy aldaǵy josparlarymen bólisti.

Kýrs baǵdarlamasyna sáıkes, «Til-Qazyna» ulttyq ǵylymı-praktıkalyq ortalyǵynyń atqarýshy dırektory, fılologııa ǵylymdarynyń kandıdaty Erbol Tileshov «Til úıretýdiń leksıkalyq mınımýmdarynyń qajettiligi men krıterııleri» taqyrybynda baıandama jasap, leksıkalyq mınımýmdardy qurastyrýdyń tarıhy, onyń til úıretý isinde mańyzy týraly jan-jaqty aqparat berdi.

Germanııadaǵy Lıýdvıg Maksımılıan atyndaǵy Mıýnhen ýnıversıteti Taıaý jáne Orta shyǵys ınstıtýtynyń qyzmetkeri, PhD doktory Gúlsim Masaqova «Qazaq tilin sheteldikterge úıretý tájirıbıesi» dep atalatyn dárisinde nemisterge qazaq tilin úıretý tájirıbesimen bólisti, qatysymǵa qurylǵan, kommýnıkatıvtik ustanymdy basshylyqqa ala otyryp ótkizetin sabaq úlgilerin kýrsqa qatysýshylarǵa kórsetti.

«Qazaq tilin shet tili retinde oqytýda sóılesim áreketin uıymdastyrý» taqyrybyna baıandama jasaǵan Nazarbaev ýnıversıteti Qazaq jáne túrkologııa departamentiniń oqytýshysy, magıstr Aıdar Balabekov leksıkalyq mınımýmdy til úıretýdiń ár deńgeıine saı utymdy irikteýdiń, sol arqyly stýdenttiń sóılesý mádenıetin  qalyptastyrýdyń tıimdi joldaryn usyndy.


Telegram jańalyqtar

Jańalyqtar