Qandastar qujattaryn birmezette tapsyra alady

11.02.2021 1116

Tarıhı otanyna kóship kelgen qandastar arasynda týyndaıtyn túıtkildi máseleler, olardyń kóshi-qon úrdisindegi talaptardy tolyq bilmeýi sebepterinen bolyp jatatyny ras. Kóshi-qon úrdisin retteıtin zańnamalar da ýaqyt talabyna saı ózgerip otyrady.

Osy rette, «Otandastar qory» KeAQ qandastarymyzǵa baılanysty qoldanystaǵy zańnamalarda jáne normatıvtik quqyqtyq aktilerde nemese ýákiletti organdardyń qyzmet kórsetý standartyna ózgerister engen jaǵdaıda, qandastardy barynsha aqparattandyrýǵa tyrysatyn bolady.

Ózderińizge belgili, etnıkalyq qazaqtar QR aýmaǵyna kelip, turaqty turýǵa ruqsat alǵannan keıin, sheteldik azamattyń turý yhtııarhatyn rásimdep, keıinnen QR azamattyǵyna tapsyratyn edi. Osy úrdistiń bárine, ıaǵnı QR azamattyǵy týraly sheshim shyqqanǵa deıin, bes aıdan astam ýaqyt ketedi.

Al bıylǵy jyldan bastap, qandastarymyz turaqty turýǵa ruqsat alýǵa jáne QR azamattyǵyn alý úshin qujattaryn birmezette tapsyra alady. Bul týraly QR Іshki ister mınıstriniń 2020 jylǵy 27 tamyzdaǵy № 599 buıryǵy 2021 jyldyń 1 qańtarynan bastap kúshine endi.

Qujatqa sáıkes Qazaqstanda turaqty tirkeýi joq qandastar turaqty turýǵa ruqsatty alý jáne Qazaqstan Respýblıkasynyń azamattyǵyn jeńildetilgen tártippen rásimdeý úshin oblystyq, qalalyq nemese aýdandyq kóshi-qon qyzmeti bólimshelerine baryp qujattaryn birmezette tapsyra alady. Tıisinshe, turaqty turýǵa ruqsat alý men azamattyq rásimdeý boıynsha sheshim úsh aı merziminde shyǵatyn bolady.

Egerde, qandastarymyz óńirlik kvota alamyn degen jaǵdaıda, QR azamattyǵyna qujattaryn birden tapsyrmaı, burynǵy zańnamalyq tártip boıynsha aldymen shetel azamatynyń turý yqtııarhatyn rásimdeýine bolady. Yhtııarhatpen júrgen qandastarǵa QR azamattary bolyp tabylmaǵandyqtan, qandastardyń óńirlik kvotany ıemdený quqyǵyn shektemeıdi.

 

Qonysbek Jandos Túımebaıuly

Qandastardy qoldaý departamentiniń konsýltanty.

Telegram jańalyqtar

Jańalyqtar