Jyldyń qorytyndy jıynyn ótkizdi.

24.12.2021 675

Búgin «Otandastar Qory» KeAQ 2021 jyldyń qorytyndy jıynyn ótkizdi dep habarlaıdy Qoǵam baspasóz qyzmeti.


Іs-sharaǵa birqatar Memlekettik organdar, «Dúnıejúzi qazaqtary qaýymdastyǵy» RQB, otandyq buqaralyq aqparat quraldarynyń basshylary jáne jýrnalısteri, qoǵam qaıratkerleri men sarapshylar qatysty.

«Otandastar Qory» Vıtse-prezıdenti Maǵaýııa Sarbasov jıynǵa qatysýshylarǵa Qoǵam Prezıdenti Nurtaı Ábiqaevtyń sálemin jetkizip, jyl boıy atqarylǵan jumys týraly baıandama jasady.


«Qoǵam jumysy mádenı-gýmanıtarlyq, aqparattyq-konsýltatsııalyq, bilim berý jáne jastar baǵyty, zertteý-taldaý, halyqaralyq ınstıtýttarmen jumys, aqparattyq baǵyttar boıynsha júrgiziledi. Qoǵam mádenı-gýmanıtarlyq baılanystardy jáne sheteldegi qandastardyń Qazaqstanǵa degen qyzyǵýshylyǵyn arttyrý maqsatynda «Mádenı iskerlik úıler» jelisin qurý jumysyn qolǵa alýda. «Abai Uii» mádenı-iskerlik úıi 6 memlekette ashyldy. Qoǵam janyndaǵy Qandastardy Aqparattyq qoldaý ortalyǵyna 2021 jyly 5600 ótinish kelip tústi. Qandastar máselesine qatysty tıisti memlekettik mekemelermen 55 is-shara ótkizildi. Sheteldegi baýyrlarymyzben ózara is-qımyl jáne elge oralǵan qandastardy qoldaý máseleleri qazaqstandyq qoǵamnyń kún tártibinde ózekti máselege aınalyp, joǵary saıası áleýmetke ıe boldy, - deıdi Maǵaýııa Qanapııauly. Sonymen qatar, ol aldaǵy jyly Qoǵam aldyna qoıylǵan mindetter men maqsattardyń mańyzdylyǵyna toqtalyp ótti.

Osy rette bıylǵy jyly qalyń elge qaltqysyz qyzmet etip, elge sińirgen eren eńbekteri úshin «Otandastar qory» KEAQ Qaraǵandy oblysy boıynsha front-keńse sarapshysy Merýesh Bashaıqyzy, Іndet kúrt órshigen kezeńde Nur-Sultan, Almaty jastarymen birlese uıymdasqan erikti jastarǵa bastamashy bolǵan qandasymyz Altyngúl Máden, Nur-Sultan qalasynda koronavırýsqa   shaldyqqan naýqastarǵa gýmanıtarlyq kómek kórsetken qandasymyz Tunyq Qaparqyzy, Qoǵamnyń ShQO boıynsha front-keńse sarapshysy Áskerhan Hýanbaı, Pandemııa kezinde az qamtylǵan 210 otbasyn azyq-túlikpen qamtamasyz etken Amandos Naýryzhanǵa «Halyq Alǵysy» medali berildi.

«Qandastardy qoldaý» baǵyty boıynsha eljandylyq tanytqan Eńbek jáne halyqty áleýmettik qorǵaý mınıstrliginiń Eńbek, áleýmettik qorǵaý jáne kóshi-qon komıteti, Іshki ister mınıstrliginiń Kóshi-qon qyzmet komıteti, qoǵamdyq uıymdar, otandyq joǵarǵy oqý oryndary, múddeles mekeme ókilderi men belsendi jumysymen kózge túsken Qoǵam qyzmetkerlerine «Otandastar qorynyń» KEAQ Prezıdenti Nurtaı Ábiqaevtiń «Alǵys haty» tabystaldy.

Telegram jańalyqtar

Jańalyqtar