TMD elderiniń eń úzdik jas ǵalymdary men pedagogtary anyqtaldy

23.12.2021 671

Táýelsiz Memleketter Dostastyǵy elderiniń 30 jyldyǵyna oraı Halyqaralyq jas ǵalymdar qaýymdastyǵy men «Bóbek» ultaralyq qozǵalysynyń uıymdastyrýmen «Bilim salasyndaǵy úzdikter-2021», III Halyqaralyq kitap basylymy, TMD jas ǵalymdarynyń ǵylymy men jeke jetistikterin tanymal etýge baǵyttalǵan biregeı joba qorytyndylandy.

    

Bul jobaǵa halyqaralyq yntymaqtastyq jáne ǵylymdy odan ári ıntegratsııalaý aıasynda Belarýs, Reseı, Qazaqstan, Ózbekstan, Tájikstan, Qyrǵyzstan elderinen ár túrli saladaǵy jas ǵalymdar men talapty jastar qatysty.

Atalǵan baıqaýǵa Ózbekstan Respýblıkasy Naýaıy oblysy Úshqudyq aýdany №9 mektebiniń qazaq tili jáne ádebıeti páni oqytýshysy Baljan Rzahmetova men №2 mekteptiń ınformatıka páni oqytýshysy Sarvar Qosımov óz jumystaryn usyndy.

Baljan Rzahmetova I dárejeli dıplom, «Úzdik pedagog - 2021» ataǵymen jáne Sarvar Qosımov II dárejeli dıplom, «Úzdik pedagog - 2021» nagradalyq tósbelgisimen marapattaldy. Sonymen qatar №9 mektep dırektory Roza Júsipbekova men №2 mektep dırektory Mergen Tóreshovke «Alǵys hat» berildi.

Ustaz – keler kúnniń ustasy. Balalardyń qalyptasyp kele jatqan dúnıetanymynyń, ómirge degen kózqarasynyń ıesi. Bizderdiń búgingi bolmysymyz álippeni jattatqyzyp, qolǵa qalam ustatqan keshegi ustazdarymyzdyń eńbegi. Endeshe, urpaǵymyzdyń erteń qandaı adam bolyp ósetini – muǵalimderdiń búgingi eńbeginiń jemisi bolmaq. Aýdanymyzdan jas, talantty ustazdardyń osyndaı marapatqa ıe bolǵany árıne eńbekteriniń arqasy. Oqytýshylarymyzdy osyndaı eńbegi sińgen marapatpen shyn júrekten aýdanymyz atynan quttyqtaımyz, bilim berý jolynda bıik shyńdarǵa shyǵa berýlerine tilektestik bildiremiz!

Raıhan QADІROVA,

«Úshqudyq» gazeti redaktory.

Telegram jańalyqtar

Jańalyqtar