Sheteldegi qazaq jastaryna arnalǵan shyǵarmashylyq baıqaý qorytyndysy jarııalandy

04.11.2021 1188

«Otandastar Qorynyń» uıymdastyrýymen sheteldegi otandastarymyzǵa onlaın jáne oflaın formatta qazaq tili kýrstary júrgiziledi. Álemniń túkpir-túkpirindegi qandastarymyz ana tilimizdi úırenýge nıetti.

 Jastarmen mektep oqýshylary arasynda tilimizdiń, mádenıetimizdiń, salt-dástúrimizdiń saqtalýy úshin balalar arasynda da ártúrli is-sharalar ótkizilip turady. Jyl saıyn dástúrge aınalǵan «Shyǵarmashylyq baıqaýdy» aıyryqsha atap ótýge bolady. Bıyl jarııalanǵan baıqaý shartyna sáıkes ultymyzdyń 50 aqynynyń biriniń óleńin tańdap, beınejazba túsirip, Instagram jelisine #Otandastarqazaqpoeziasy heshtegin belgilep salý mindetteldi.

Osylaısha, qazaq poezııasyn álemge tanytý maqsatynda ótkizilgen konkýrs nátıjesinde sheteldegi jas jetkinshekterimizge aqyndar shyǵarmashylyǵymen jaqynyraq tanysýǵa zor múmkindik týdy. Búginde baıqaýǵa qatysýǵa 280 adam tirkelip, 175 otandasymyz áleýmettik jelidegi paraqshasyna beınejazbalaryn júktedi. Saıysqa qatysýyshlardyń basym kópshiligi Abaı Qunanbaıuly, Muqaǵalı Maqataev, Farıza Ońǵarsynova, Jumeken Nájimedenov, Maǵjan Jumabaev, Sáken Seıfýllın syndy aqyndardyń óleńderin oqydy. Júzden júıirik shyqqan jeńimpazdar Reseı Federatsııasy, Iran Islam Respýblıkasy, Ózbekstan Respýblıkasy men Mońǵolııa elinen anyqtaldy. Qatarynan oza shaýyp, márege aldymen jetken oqýshylar baǵaly syılyqtarmen marapattaldy.


Qysqa da nusqa. Jazylyńyz telegram - ǵa

Jańalyqtar