«Қайраттың» бас бапкері «Интерге» қарсы ойын алдында мәлімдеме жасады
«Қайрат» футбол клубының бас бапкері Рафаэль Уразбахтин УЕФА Чемпиондар лигасының 4-туры аясында «Интерге» қарсы өтетін ойынға байланысты жеке пікірін білдірді, деп хабарлайды El.kz интернет порталы.
«Сан-Сиро» - аңызға айналған арена. Сегіз жыл бұрын мен мұнда ұлдарыммен және академияның тәрбиеленушілерімен келгенмін. Миланда көптеген отандастарымызды көру - қуанышты жағдай. Біз қарсыластарымыздың мықтылығын да, «Интер» жанкүйерлерінің жалынды қолдауын да жақсы білеміз. Мұнда осындай командаға қарсы ойнаймын деп ешқашан ойламаппын. Бұл - ауыр сынақ болмақ және барынша жинақы ойын көрсету қажет.
Алматылық ұжымның қорғаушысы Егор Сорокин де бапкер пікіріне қосылды.
Бұл қиын матч болады, бізге бар күшімізді салуға тура келеді. Сабыр сақтап, ойынды бақылауда ұстай білуіміз керек. Бірақ «Интердің» шабуылшылары да мен сияқты адамдар, әрі қорғаныста мен жалғыз емеспін - деді қорғаушы.
Айта кетейік, «Интер» - «Қайрат» ойыны Қазақстан уақыты бойынша бүгін 00:55-те басталады.
Қысқа да нұсқа. Жазылыңыз telegram - ға
Оқи отырыңыз 
