Қасым-Жомарт Тоқаевтың Бакуге жұмыс сапары аяқталды
Президент Қасым-Жомарт Тоқаевтың Әзербайжанға жұмыс сапары аяқталды, деп хабарлайды El.kz ақпарат агенттігі.
Бұл туралы Ақорданың баспасөз қызметі мәлімдеді.
Мемлекет басшысы БҰҰ-ның Орталық Азия елдері экономикаларына арналған бағдарламасының (СПЕКА) саммитіне қатысу үшін бүгін Бакуге жұмыс сапарымен барған болатын.
Ильхам Әлиев Қасым-Жомарт Тоқаевты Гянджлик резиденциясында қарсы алды.
Кейін қос президент келіссөз жүргізді. Кездесу барысында И.Әлиев Қазақстан президентін келесі жылы Әзербайжанға мемлекеттік сапармен келуге шақырды.
Одан әрі Президент Қасым-Жомарт Тоқаев СПЕКА бағдарламасына қатысушы мемлекеттер басшыларының бірінші саммитіне қатысу үшін Гейдар Әлиев орталығына барды.
Саммит барысында Әзербайжан Президенті Ильхам Әлиев, Қырғызстан Президенті Садыр Жапаров, Тәжікстан Президенті Эмомали Рахмон, Өзбекстан Президенті Шавкат Мирзиёев, Грузия Премьер-министрі Ираклий Гарибашвили, Мажарстан Премьер-министрі Виктор Орбан, Түрікменстан Министрлер кабинеті төрағасының орынбасары Ходжамурад Гельдымурадов, БҰҰ Еуропалық экономикалық комиссиясының Атқарушы хатшысы Татьяна Молчан, Азия және Тынық мұхиты өңірлеріне арналған Экономикалық және әлеуметтік комиссиясының Атқарушы хатшысы (ЭСКАТО) Армида Салсия Алишахбана, сондай-ақ Шығанақтағы араб мемлекеттері ынтымақтастық кеңесінің Бас хатшысы Джасем Әл-Будайви сөз сөйледі.
Қысқа да нұсқа. Жазылыңыз telegram - ға