Қарағанды облысында таза қанды араб тұқымды бәйге атын ұрлап, сойып алған күдіктілер ұсталды
Фото: © Polisia.kz
Фото: © Polisia.kz
27.11.2023 23:16
1014
Полицияға 30 жастағы аудан тұрғыны арызданып, белгісіз біреулер халықаралық бәйгеге дайындап жүрген тұлпарын ұрлап кеткені туралы хабарлаған, деп хабарлайды El.kz ақпарат агенттігі.
Келтірілген шығын 1 миллион 500 мың теңгені құраған.
Полиция осы іске қатысы бар деген күдікпен 23 және 54 жастағы азаматтарды ұстады. Олардың барлығы Шет ауданындағы блок-бекетте қолға түсті. Күдіктілер ұрланған жылқыны сойып, мүшелеп тастағаны туралы мойындау көрсетпе белгілерін берді. ҚР ҚК 188-1 бабына сәйкес қылмыстық іс қозғалды, -деп хабарлады Криминалдық полиция басқармасының бастығы Аслан Өскембаев.
Басқарма бастығының айтуынша, жыл басынан бастап, облыс аумағында 644 бас мал ұрланып, оның 547-сі иелеріне қайтарылған.
Бөлісу:
Қысқа да нұсқа. Жазылыңыз telegram - ға