Қарағанды облысында өрт шыққан үйден үш адам құтқарылды
Фото: ҚР ТЖМ / Видеодан алынған кадр
Фото: ҚР ТЖМ / Видеодан алынған кадр
30.09.2024 21:40
646
Қарағанды облысының өрт сөндірушілері үш адамды құтқарды, деп хабарлайды El.kz ақпарат агенттігі.
ТЖМ мәліметінше, бүгін Қарағанды қаласындағы Мамраев шағын ауданында 5 қабатты тұрғын үйден өрт шықты. Үйдің бірінші қабатындағы кіреберісте 0,5 шаршы метр алаңда электр қалқанындағы электр сымдары жанған.
Өрт сөндірушілердің жедел іс-қимылдарының арқасында құтқару қалпақтарын пайдалана отырып, үш адам, оның ішінде бір бала құтқарылды, - делінген мәліметте.
Өрт толығымен сөндірілді, зардап шеккендер жоқ.
Бөлісу:
Қысқа да нұсқа. Жазылыңыз telegram - ға