Қарағанды ферроқорытпа зауытындағы апат: екінші қызметкер қайтыс болды
![Қарағанды ферроқорытпа зауытындағы апат: екінші қызметкер қайтыс болды Қарағанды ферроқорытпа зауытындағы апат: екінші қызметкер қайтыс болды](/storage/storage/element/2024/07/24/mainphoto/113861/1200xauto_uMcG8AlOE96BiR4Wey9vjOpzrVf9tIvkHfabAXnp.png)
Қарағандыдағы ферроқорытпа зауытының 8 жұмысшысы кенеттен пештен шыққан жалынның салдарынан қатты күйік алып, ауруханаға жеткізілген еді. Денесінің 90%-ын күйік шалған тағы бір жұмысшы қайтыс болды, деп хабарлайды El.kz ақпарат агенттігі.
Дәрігерлердің бүкіл күш-жігеріне қарамастан Қарағанды ферроқорытпа зауытының тағы бір қызметкерінен айырылдық. 1999 жылы туған науқастың денесін 90% күйік шалған. Осы уақытқа дейін ол өте ауыр жағдайда жансақтау бөлімінде жатқан. Марқұмның жақын туыстарына қайғыра көңіл айтамыз, — деп хабарлады облыстың денсаулық сақтау басқармасының баспасөз қызметі.
25 жастағы Қазкен Ерұлан Қайырбекұлы ферроқорытпа зауытында технолог болып жұмыс істеген.
Еске салайық, бұған дейін Желіде ферроқорытпа зауытындағы төтенше жағдай кезінде зардап шеккендердің видеосы тараған еді. Кейінірек төтенше жағдайға қатысты жаңа мәлімет белгілі болды.
Ферроқорытпа зауытында болған факт бойынша Қылмыстық кодекстің 156-бабы 2-бөлігі «Абайсызда денсаулыққа ауыр зиян келтіруге әкеп соққан еңбекті қорғау қағидаларын бұзу» бойынша соталды тергеп-тексеру басталған.
![Telegram](https://el.kz/static/site/images/tel26.png)