Президент жазушы Сәбит Досановтың қазасына орай көңіл айтты
![Президент жазушы Сәбит Досановтың қазасына орай көңіл айтты Президент жазушы Сәбит Досановтың қазасына орай көңіл айтты](/storage/storage/element/2024/04/01/mainphoto/96443/1200xauto_kFkPcmunYOR8c5EJMJgOinRTPkzAMnY6EwxmzE0c.jpg)
Фото: Видеодан кадр/ASSYLTAS TV
Фото: Видеодан кадр/ASSYLTAS TV
31.03.2024 11:18
694
Мемлекет басшысы жазушы Сәбит Досановтың отбасы мен жақын туыстарына көңіл айту жеделхатын жолдады, деп хабарлайды El.kz ақпарат агенттігі.
Президент Қасым-Жомарт Тоқаев көрнекті қаламгер, драматург, «Отан» орденінің иегері, Мемлекеттік және М.Шолохов атындағы халықаралық сыйлықтардың лауреаты Сәбит Досановтың дүниеден өтуіне байланысты оның отбасы мен жақын туыстарына көңіл айтты.
– Сәбит Айтмұханұлы қазақ әдебиетінің өркендеп қанат жаюына елеулі үлес қосты. Ұлттық проза мен драматургияның дамуына нағыз шығармашыл тұлға ретінде бар саналы ғұмырын арнады. Көркем туындылары сүйікті оқырмандарының тарапынан жоғары бағаланды. Соңына өшпес әдеби бай мұра қалдырған Сәбит Айтмұханұлының жарқын бейнесі халқымыздың жүрегінде мәңгі сақталады. Марқұмның иманы саламат, жаны жәннатта болсын, – деп жазылған жеделхатта.
Бөлісу:
![Telegram](https://el.kz/static/site/images/tel26.png)
Алдыңғы жаңалық
Ақтауда мәслихат депутаттарына дауыс беру басталды
Келесі жаңалық
Шахмат олимпиадасында ел намысын кімдер қорғайды