Президент идеологиялық жұмыстың маңызын атап өтті – Лаура Қарабасова
Президент Қасым-Жомарт Тоқаевтың Egemen Qazaqstan газетіне берген сұхбатында қоғамды толғандыратын өзекті сұрақтар талқыланған. Бұл туралы Әйелдер істері және отбасылық-демографиялық саясат жөніндегі ұлттық комиссия мүшесі Лаура Қарабасова мәлімдеді, деп хабарлайды El.kz ақпарат агенттігі.
Қарабасованың сөзінше, озбырлық пен зорлық-зомбылықтың кез келген түріне мүлдем төзбеушілік және заң үстемдігін қамтамасыз ету мәселелерінде президент өзінің позициясын білдіріп, идеологиялық жұмыстың маңызын атап өтті.
Қоғамда озбырлық пен зорлық-зомбылықтың кез келген түріне мүлдем төзбейтін түсінік қалыптаспаса, заңға енгізілген өзгерістерден аса қайыр болмайды. Жұрт зорлық-зомбылық жасағандарға жазаны қатайтуды талап ете тұра, қылмыс әлеміндегі шытырман оқиғаларға таңдай қағып, фильмдердің заңды белден басатын кейіпкерлерін ғана емес, тіпті шынайы өмірдегі кәнігі қылмыскерлердің өзін пір тұтып жатады.
Біз заңсыздық пен қатыгездікке бір кісідей, батыл қарсы тұруымыз қажет. Сондай-ақ қоғам нормалар мен ережелердің және жалпы адамзатқа ортақ құндылықтардың аяқасты болуын қатаң айыптап, онымен бірлесе күресуі керек, - деді Тоқаев.
Қысқа да нұсқа. Жазылыңыз telegram - ға