Президент әйгілі футболшы Пеленің қайтыс болуына байланысты көңіл айтты
Фото: Ақорда
Фото: Ақорда
30.12.2022 09:47
1136
Қасым-Жомарт Тоқаев даңқты футболшы, үш дүркін әлем чемпионы Пеленің қайтыс болуына байланысты Бразилия Президенті Жаир Болсонаруға көңіл айту жеделхатын жолдады. Бұл туралы El.kz ақпараттық агенттігі Ақордаға сілтеме жасап хабарлайды.
Мемлекет басшысы футбол тарихындағы ұлы спортшылардың бірі ретінде оның футболды бүкіл әлемге танытуға зор үлес қосқанын атап өтті.
Президенттің айтуынша, Пеле әрқашан футболға деген адалдықтың символы әрі жанкүйерлердің сүйікті футболшысы болды және солай болып қала береді. Сондай-ақ ол спорттың осы түрін ең жоғары деңгейге көтерді.
Бұған дейін хабарлағанымыздай, бразилиялық атақты футболшы Пеле 82 жасында өмірден өтті.
Бөлісу:
Қысқа да нұсқа. Жазылыңыз telegram - ға