Петропавлда 95 жастағы қария әйелімен жанжалдасып, өзін жарып жіберді

22 мамыр күні Петропавлда 95 жастағы зейнеткер өзін газ баллонымен жарып жіберді, деп хабарлайды El.kz ақпарат агенттігі.  

1929 жылы туған ер адам полицияға хабарласып, өзін жарып жіберемін деп қорқытқан.

Осы қоңырау бойынша мұнда полиция қызметкерлері келді. Олар қарт ер адаммен сөйлесуге тырысты. Бірақ ол есікті кілттеп, ашпай қойған. Осы кезде газ-ауа қоспасы пайда болып, соңынан үй жарылған. Кейін өрт сөндіру бөлімі шақырылды, – деді Петропавл қалалық төтенше жағдайлар бөлімінің басшысы Назымбек Елемесов.

Өрт сөндірушілер келгенде үй толығымен өртеніп жатқан, көрші үйдің қаптамасы жанып үлгерген. Оқиға орнына Петропавлдың екі бөлігінің өрт сөндірушілері жұмыс істеді.

Назымбек Елемесов зардап шеккен адам құтқарылғанын мәлімдеді. Зардап шегуші жедел жәрдем қызметкерлеріне жеткізілді. Ал өрт сөндірушілер өрттен тағы бірнеше газ баллондарын шығарды. Облыстық денсаулық сақтау басқармасының баспасөз қызметі ер адамның жағдайы ауыр екенін айтты.

1929 жылғы науқас көп бейінді қалалық ауруханаға жатқызылды. Денесінің 35-40 пайызын термиялық күйік шалған. Арқасы мен қолы күйген, бірақ есін жиды, – деп мәлімдеді облыстық денсаулық сақтау басқармасының баспасөз хатшысы Гүлнар Сайлау.

Көршілердің айтуынша, зейнеткер әйелімен жанжалдасып, тіпті оған қолын көтерген, содан кейін өзін жарып жіберген. Ол бұған дейін де өзін-өзі жарып жіберемін деп қорқытқан.

Қысқа да нұсқа. Жазылыңыз telegram - ға