Павлодардағы 52 млн теңге жұмсалған мұз қалашығы қалпына келтіріле ме
Фото: © pavlodarnews.kz
Фото: © pavlodarnews.kz
28.12.2023 14:05
1154
Павлодардағы еріп кеткен мұз қалашығы қалпына келтіріле бастады, деп хабарлайды EL.kz ақпарат агенттігі.
Қалалық ТҮКШ бөлімінің бас маманы Гизат Смайылов күннің күрт жылынуынан бір-екі элементтің мұзы ерігенін айтып отыр.
Мердігермен бірге тағы мұз жинап қойдық. Ауа температурасы -5-10 градусқа дейін түскенде бәрі орнына келтіріледі, - дейді ол.
Мұз қалашығы аумағында қатты соққан жел шыршаны құлатқан еді. Жаңа жылдың бас символы қазір орнына қойылған. Бірте-бірте басқа да қалпына келтіру жұмыстары басталып кетті.
Айта кетейік, барлық жұмысқа 52 миллион теңге бөлінген еді. Қаражаттың барлығы игерілген. Элементтердің бір бөлігі ғана (сырғанақ табандары мен лабиринт) мұздан жасалған.
Бөлісу:
Қысқа да нұсқа. Жазылыңыз telegram - ға